ឡាលីតា ត្រូវរស់នៅដោយរងសម្ពាធទាំងផ្លូវកាយ និងផ្លូវចិត្ត និងការគ្រប់គ្រងរបស់ម្តាយក្មេក នៅក្នុងគ្រួសារខាងប្តី។ ដោយសារតែការប្រមាថមើលងាយ រហូតថ្ងៃមួយ ឡាលីតាត្រូវបង្ខំចិត្តសុំស្វាមីលែងលះគ្នា។ ក្រោយពីលែងលះបានសម្រេចហើយ លីតាក៏សម្រេចដើរលើផ្លូវជីវិតឯកជន និងប្រឹងប្រែងធ្វើឲ្យខ្លួនឯងក្លាយជាមនុស្សស្រីថ្មី និងរឹងមាំ ដែលមិនអាចនឹងអ្នកណាម្នាក់ជិះជាន់ដូចលើកមុនបានទៀតទេ។ ក្នុងពេលដែលលីតា ប្រើជីវិតក្នុងភាពជាស្រីមេម៉ាយ នាងក៏បានជួបនឹង មឿន ម៉ាលី ដែលជាសុភាពបុរស ចេះទទួលខុសត្រូវ ។ ម៉ាលី បានជួយឲ្យលីតា បានយល់ពីជីវិតថ្មី និងជួយឲ្យនាងហែលឆ្លងនូវឧបសគ្គជីវិត រួមទាំងការផ្តល់កម្លាំងចិត្តដល់នាងគ្រប់ពេល។ អំពើល្អ និងបះដូងដែលម៉ាលីផ្តល់ទៅអោយ លីតា បានធ្វើឲ្យនាងហាក់មានចិត្តទៅលើម៉ាលី ។ ក្រោយមក មិត្តភាពជាមិត្ត ក៏បានប្រែក្លាយជាការយល់ចិត្តគ្នាកាន់តែស៊ីជម្រៅខ្លាំងឡើង រហូតធ្វើឲ្យអ្នកទាំងពីរ អាចចាប់ដៃគ្នា កសាងជីវិតគូបានយ៉ាងជោគជ័យ។