ដេវីត និងដាលីន បានជួបគ្នាដោយចៃដន្យក្នុងពេលដែលពួកគេរៀននៅវិទ្យាល័យ។ ដាលីន ជាមនុស្សស្រីឆ្នាស់ឆ្នើម មិនងាយនឹងឲ្យមនុស្សប្រុសណាមកញ៉ែនាងបានឡើយ។ ចំណែកឯ ដេវីតវិញ ជាមនុស្សប្រុស ច្រឡើម ចូលចិត្តរាយមន្តស្នេហ៍ដាក់ស្រីៗ តែគេមានចិត្តស្មោះចំពោះដាលីន។ ក្រោយពេលរៀនចប់ ដេវីត និងដាលីន ក៏កាន់តែមានទំនាក់ទំនងជាមួយគ្នា រហូតឈានដល់ចូលរោងការជាមួយគ្នា។ ដេវិត និងដាលីន បានចំណាយពេលជាប្តីប្រពន្ធនឹងគ្នារយៈពេលជិត១ឆ្នំា ដែលមានរឿងរ៉ាវគ្រប់រសជាតិកើតឡើងចំពោះពួកគេ។ ដេវីត ពេលខ្លះ បានសាងនូវបញ្ហាជាច្រើន ទាំងការលបលួចមានស្រីខាងក្រៅ ការកុហកបោកប្រាស់ដាលីន និងធ្វើឲ្យដាលីនពិបាកចិត្ត។ ដាលីន មានពេលខ្លះ សឹងតែចង់លែងលះជាមួយនឹងដេវីត ដោយសារតែនឹកឃើញ ការលំបាកភាពជាស្រីមេម៉ាយរបស់ម្តាយខ្លួន ទើបស៊ូទ្រាំនឹងចរិតរបស់ដេវីត។ ពេលវេលា នៃការអត់ធ្មត់របស់ដាលីន បានធ្វើឲ្យដេវីតបានឃើញពីសេចក្តីស្រឡាញ់ និងភាពស្មោះត្រង់ដែលប្រពន្ធមានចំពោះប្តី។ ត្រឹមតែ រយៈពេល១ឆ្នាំ ដេវីតបានកែប្រែចរិត និងងាកមកយកចិត្តទុកដាក់ ស្រឡាញ់ដាលីន ក្នងនាមជាស្វាមីដ៏ល្អ។

ប្រិយមិត្ត​អាច​ទស្សនាសាច់​រឿង​ពេញ​តាមរយៈ​ឆាណែលយូធូប PNN TV Official
https://www.youtube.com/playlist?list=PLd_YaSGwkHGzV31XJkfHEunmx5VqqiWVR