ក្នុងដំណើរផ្សងព្រេងរបស់មិត្តភក្តិទាំងបី ស៊ីវស៊ឺ, ឡាយ អ៊ូជា និង អ៊ូស៊ីង ជួបគ្នាដោយចៃដន្យពេលជួបគ្រោះថ្នាក់។ ដោយសារភាពស្មោះត្រង់​ ទើប អ៊ូស៊ីង រើសយក ស៊ីវស៊ឺ ជាមនុស្សមិនចេះក្បាច់គុន តែឆ្លាតវៃ អាចដឹងរឿងគ្រប់យ៉ាងនៅក្នុងពិភពគុន ប៉ុន្តែហាក់ដូចជាមានអាថ៌កំបាំង ដែលមនុស្សជុំវិញខ្លួនស្មានមិនដល់ និង ឡាយ អ៊ូជា ជាមនុស្សមិនសូវឆ្លាត ប៉ុន្តែខ្លាំងពូកែខាងក្បាច់គុន មានភាពស្មោះត្រង់ ជួយមិត្តដោយមិនខ្លាចបាត់បង់ជីវិត មករួមដំណើរជាមួយ ដើម្បីសម្រេចគោលដៅដែលបានប៉ង។

ក្រោយមកអ្នកទាំងបីក៏បានបំបែក ដោយ អ៊ូស៊ីង ត្រូវត្រឡប់ទៅគ្រប់គ្រងបក្សបិសាចបន្តពីឪពុក ទើប ឡាយ អ៊ូជា និង ស៊ីវស៊ឺ ត្រូវរួមដំណើរជាមួយគ្នាបន្តតែ ២ នាក់។ ទោះបីជាមិនបានរួមដំណើរជាមួយគ្នាបន្តទៀតក៏ដោយ នៅពេលដែលមានបញ្ហា អ្នកទាំងបីក៏ត្រឡប់មកជួយគ្នាទៅវិញទៅមក ហើយចុងក្រោយមនុស្សគ្រប់គ្នាក៏ត្រូវមកតាមការពារជីវិតរបស់ ស៊ីវស៊ឺ តើ ស៊ីវស៊ឺ ជានណា មកពីណា? សូមកុំភ្លេចរងចាំទស្សនាក្នុងភាពយន្តភាគចិន «តំណក់ឈាមអ្នកក្លាហាន» នៅលើកញ្ចក់ទូរទស្សន៍ ភីអិនអិន៕