យៀកជឺ គឺជាក្មេងស្រីស្រស់ស្អាតម្នាក់ ដែលអាចដឹងមុននូវសោកនាដកម្ម និងគ្រោះមហន្តរាយជាច្រើនមុនពេលវាកើតឡើង។ ប៉ុន្តែជាអកុសលសមត្ថភាពពិសេសមួយនេះត្រូវបានអ្នកគ្រប់គ្នាយល់ថា គឺជារឿងអាក្រក់ ហើយចាត់ទុកនាងជាផ្កាយព្រះគ្រោះ។ យៀកជឺ ត្រូវបានមនុស្សជុំវិញខ្លួនរើសអើង ស្អប់ខ្ពើម មានតែមនុស្សចង់ធ្វើបាប និងសម្លាប់ លើកលែងតែព្រះនាង យួយ ដែលតែងតែនៅក្បែរ និងការពារនាងគ្រប់ពេល អ្នកទាំងពីរបានសន្យាថានឹងនៅជាមួយគ្នាអស់មួយជីវិត។

បន្ទាប់ពីព្រះនាង យួយ ត្រូវបានជ្រើសរើសអោយរៀបការជាមួយស្តេច ឆាវ ដែលជាស្តេចមានចិត្តឃោឃៅ យៀកជឺ ក៏សម្រេចចិត្តថានឹងរួមដំណើរជាមួយមិត្តល្អរបស់នាងទោះបីជាមានគ្រោះថ្នាក់ប៉ុណ្ណាក៏ដោយ។ ក្រោយមកស្តេច ឆាវ ក៏បានលង់ស្រលាញ់ទៅលើ យៀកជឺ ធ្វើអោយសង្រ្គាមរវាងស្តេច ឆាវ និងទេវតាបក្សី អ៊ី បានកើតឡើង ដោយសារទេវតាបក្សី អ៊ី អ៊ូយ៉ូវ ក៏លង់ស្រលាញ់ យៀកជឺ ដែរ។ តើចុងក្រោយ យៀកជឺ មានវាសនាបានរស់នៅជាមួយស្តេច ឆាវ ឬទេវតាបក្សី អ៊ី អ៊ូយ៉ូវ?