ក្នុងរឿងព្រេងនិទាន បានដំណាលពីទេពធីតាមួយអង្គដែលមានទឹកចិត្តស្រស់ថ្លា និងស្មោះត្រង់។ ព្រះនាងទេពធីតា តែងតែឈឺឆ្អាល និងយកចិត្តទុកដាក់ខ្វាយខ្វល់ពីភាពអយុត្តិធម៌ និងការកាប់សម្លាប់នៅឋានមនុស្សលោក។ ជាច្រើនរយឆ្នាំបានកន្លងផុតទៅ ទេពធីតាបានមកចាប់កំណើត ជាវីរៈនារីដ៏ស្រស់ស្អាតម្នាក់ នោះគឺ ទ័នមូ ។ ក្នុងជីវិតជាមនុស្សលោក ទ័នមូ នៅតែមានចិត្តដដែល ដូចនឹងអ្វីដែលខ្លួនធ្លាប់ជាទេវតា ហើយអ្វីដែលអស្ចារ្យជាងនេះទៅទៀតនោះ គឺនាងអាចចងចាំរឿងរ៉ាវរបស់នាងកាលពីជាង រាប់រយឆ្នាំមុន។ ជានិស្ស័យ ទេពធីតា បានជួបនឹង សាន់យ៉ាន ដែលជាបុរសមានចិត្តក្លាហាន ហើយពួកគេទាំងពីរ ក៏ចាប់ផ្តើមនាំគ្នាកម្ចាត់រឿងមិនល្អ និងពួកបិសាច ដែលមានបំណងមិនល្អ ចំពោះផែនដី៕