ចូលមកដល់សប្តាហ៍ថ្មីទៀតហើយជាមួយកម្មវិធីកម្សាន្តសប្បាយ CAMBODIA LITE Station ដែលតែងតែនាំទស្សនិកជនទៅជួបជាមួយនឹងវត្តមានសិល្បៈករ សិល្បៈការនីល្បីៗ ហើយក៏ជា Idol សម្រាប់បេះដូងហ្វេនៗជាច្រើនផងដែរ។ នៅសប្តាហ៍នេះ នឹងមានវត្តមានតារាចម្រៀងពីរដួងគឺលោក វង្ស តារារតនា និង អ្នកនាង ហង្ស សុជាតា។ តារាទាំងពីរដួងនឹងឡើងមកចែករំលែកនូវបទពិសោធន៍ល្អៗ ពាក់ព័ន្ធជីវិតលើវិថីសិល្បៈ និងជីវិតផ្ទាល់ខ្លួន រួមនឹងសារអប់រំសំខាន់ៗមួយចំនួនសម្រាប់អ្នកគាំទ្រផងដែរ។ 

មិនត្រឹមតែប៉ុណ្ណោះ ទស្សនិកជននឹងបានរីករាយជាមួយសំនួរចាក់ដោតពីសំណាក់ពិធីការនី កញ្ញា ពេជ្រ ច័ន្ទធីតា ដែលសំនួរខ្លះ ហាក់ធ្វើអោយតារាកិត្តិយសចង់គាំងម្តងៗផងដែរ។ អ្វីដែលកាន់តែពិសេសទៀតនោះ រាល់វត្តមានរបស់តារាកិត្តិយសពីមួយសប្តាហ៍ទៅមួយសប្តាហ៍ នឹងមានការបកស្រាយបទចម្រៀងបែ Acoustic សុទ្ធសឹងតែជាបទពីរោះៗ បទចម្រៀងដែលកំពុងតែពេញនិយមសម្រាប់ហ្វេនៗថែមទៀតផង។ 

កុំភ្លេចណា! រង់ចាំតាមដានទស្សនាកម្មវិធី CAMBODIA LITE Station ចាក់ផ្សាយរៀងរាល់ថ្ងៃអាទិត្យ វេលាម៉ោង ៥ល្ងាចតទៅ នៅលើកញ្ចក់ទូរទស្សន៍ភីអិនអិន៕ 
 

ដោយ៖ ម៉ី វ៉ាន់ណែត