តន្ត្រី KIZZ Concert របស់ស្ថានីយទូរស្សន៍ភីអិនអិន សប្តាហ៍នេះ ដឹងតែអេមហើយ ព្រោះនឹងមានវត្តមានរបស់តារាចម្រៀងប្រុសស្រីល្បីៗជាច្រើនដួងមកអង្រួនបេះដូងហ្វេនៗនៅថ្ងៃសុក្រ ទី៦ ខែធ្នូ ឆ្នាំ២០២៤ វេលាម៉ោង១១ព្រឹកតទៅ។ 
វត្តមានតារាចម្រៀងនៅសប្តាហ៍នេះរួមមាន លោក ឆាយ វីរៈយុទ្ធ កញ្ញា ឈីន រតនៈ លោក គង់ ចំរើន និង កញ្ញា អ៊ិត ជូលីណា។ តារាចម្រៀងទាំងបួនដួង និងលើកយកបទចម្រៀងពីរោះៗ បទចម្រៀងបែបមនោសញ្ចេតនា បទចម្រៀងបែបញាក់កន្ត្រាក់អារម្មណ៍ រួមនិងការសំណេះសំណាលជាមួយពិធីករ និងពិធីការនីទាំងពីរដួងថែមទៀតផង។

អ្វីដែលកាន់តែពិសេស ពីតន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាពហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព។ 

ចំពោះការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។  រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕

ដោយ៖ មុី វ៉ាន់ណែត