នៅសប្តាហ៍នេះ កម្មវិធី កម្សាន្តសប្បាយប្លែករបស់ស្ថានីយទូរទស្សន៍ភីអិនអិន CAMBODIA LITE Station នឹងអញ្ជើញតារាកិត្តិយសដល់ទៅបីដួងរួមមាន លោក Summer កញ្ញា ម៉ាច ដាវី និងកញ្ញា រី ស្រីនេត មកជជែកកម្សាន្តសប្បាយ ពាក់ព័ន្ធនឹងជីវិតនៅក្នុងវិថីសិល្បៈ រួមនឹងរឿងរ៉ាវផ្ទាល់ខ្លួនដែលទស្សនិកជនមិនធ្លាប់បានដឹងកន្លងមក។ 

ក្នុងនោះកិច្ចសម្ភាសន៍នោះដែរ ក្រៅពីរៀបរាប់ពាក់ព័ន្ធនឹងជីវិតលើវិថីសិល្បៈនិងរឿងរ៉ាវផ្ទាល់ខ្លួនហើយនោះ តារាកិត្តិយសទាំងបីដួង ក៏បានផ្តល់ជូននូវយោបល់ខ្លះៗដើម្បីជាការលើកទឹកចិត្តទៅដល់អ្នកដែលកំពុងតែបាក់ទឹកចិត្ត និងកំពុងតែមិនដឹងថាតើត្រូវដោះស្រាយបែបណាក្នុងកាលៈទេសៈដ៏លំបាកមួយ។

មិនត្រឹមតែប៉ុណ្ណោះ អ្នកទាំងបីដួង ក៏នឹងមានជាចំណងដៃពិសេសសម្រាប់ហ្វេនៗ នោះគឺការបកស្រាយបទចម្រៀងពីរោះៗដោយប្រគំបទភ្លេងបែប Acoustic ដែលនឹងធ្វើអោយទស្សនិកជន បានរសាយអារម្មណ៍តានតឹង នឹងទទួលបានមកវិញនូវអារម្មណ៍ដែលមានភាពកក់ក្តៅ ស្រស់ស្រាយ រយៈពេលមួយម៉ោងពេញតែម្តង។ 

CAMBODIA LITE Station ចាក់ផ្សាយរៀងរាល់ថ្ងៃអាទិត្យ វេលាម៉ោង៥ល្ងាច តទៅ នៅលើកញ្ចក់ទូរទស្សន៍ភីអិនអិន៕ 
 

ដោយ៖ ម៉ី វ៉ាន់ណែត