ស្ថានការណ៍ពេលនេះពិតជាច្របូកច្របល់ព្រោះតែ ផាត បានស្រឡាញ់គ្នាជាមួយនិង នីន ដែលជាបងស្រីរបស់សៃហ្វា។ តែស្នេហារវាងនីន និង ផាត វាមិនងាយស្រួលឡើយ ព្រោះ លោកម្ចាស់ សែងហ្វា មិនយល់ព្រមអោយផាតធ្វើបែបនេះឡើយ ហើយក៏បានគម្រាមថានឹងដកយកភាគហ៊ុនទាំងអស់មកវិញ។ 

ប៉ុន្តែសៃហ្វាដែលជាកូនស្រីមិនសុខចិត្តឡើយ ព្រោះនាងស្រឡាញ់តែផាតម្នាក់ប៉ុណ្ណោះ នាងមិនសុខចិត្តអោយអ្នកណាម្នាក់យកផាតពីនាងទៅឡើយ ក៏លេបថ្នាំសម្លាប់ខ្លួន តែក៏ត្រូវបានជួយសង្គ្រោះទាន់ពេលវេលា។ រីឯពុក ម៉ែ ផាត វិញ បានសុំអង្វរកូនអោយទៅសុំទោសលោកម្ចាស់សែងហ្វា ព្រោះមិនចង់អោយលោកម្ចាស់សែងហ្វាដកហ៊ុនចេញទៅវិញ ព្រោះបើរឿងនេះកើតឡើងមែន ពុក របស់ផាត និងត្រូវជាប់គុកមិនខាន។ 

ព្រោះតែហេតុផលបែបនេះទើប ផាត សុខចិត្តទៅសុំទោសលោកម្ចាស់សែងហ្វា។ ចំណែកឯនីនវិញ នាងសុខចិត្តចាកចេញពីភូមិគ្រឹះ ស៊ុផារ៉េត និងចាកចេញពីផាត ព្រោះមិនចង់អោយផាតមកត្រូវរងទុក្ខព្រោះតែខ្លួនឡើយ។ តើខ្សែជីវិតនីន និងទៅជាបែបណា? កុំភ្លេចរង់ចាំតាមដានទស្សនារឿង បក្សីជាប់ទ្រុងមាស ចាក់ផ្សាយរៀងរាល់ថ្ងៃច័ន្ទ ដល់ថ្ងៃ ព្រហស្បតិ៍ វេលាម៉ោង ៩យប់តទៅ នៅលើកញ្ចក់ទូរទស្សន៍ភីអិនអិន៕ 
 

ដោយ៖ ម៉ី វ៉ាន់ណែត