ក្រោយពេលប៉ារបស់ផ្លយបានស្លាប់ទៅ ផ្លយដែលជាកូនស្រីពៅ ត្រូវទទួលរ៉ាបរងកាងារក្រុមហ៊ុនផលិតស្រោមអនាម័យពីលោកប៉ារបស់នាង។ ថ្ងៃដំបូងដែលផ្លយបានឡើងធ្វើជាម្ចាស់ក្រុនហ៊ុន នាងបានជួបរឿងជាច្រើនដែលនឹកស្មានមិនដល់។ ក្រុមហ៊ុនប៉ារបស់នាង បានក្ស័យធនជាយូរមកហើយ គ្រប់គ្នាដែលនៅជុំវិញខ្លួននាងមានទាំង អ្នកម៉ាក់នាង បងស្រីនាង និងពូវីម បានសុំអោយនាងលក់ភាគហ៊ុននោះចេញទៅ ព្រោះគិតថាផ្លយមិនអាចធ្វើអោយក្រុមហ៊ុនបានដំណើរការល្អឡើងវិញឡើយ។ 
ប៉ុន្តែផ្លយនាងមិនត្រឹមតែមិនព្រមលក់នោះទេ ថែមទាំងប្តេជ្ញាចិត្តថានឹងស្តារក្រុមហ៊ុននេះឡើងវិញអោយបាន ព្រោះវាគឺកើតឡើងដោយកម្លាំងញើសឈាមរបស់លោកប៉ានាង។ 

ពិតណាស់ រឿងរ៉ាវស្មុគស្មាញជាច្រើនបានកើតឡើង ធ្វើអោយនាងពិបាកនឹងទប់ទល់ ប៉ុន្តែជាសំណាងល្អ នាងក៏បានជួបជាមួយណាផុងដែលជាកូនប្រុសដៃគូជំនួញរបស់លោកប៉ានាង មកជួយដោះស្រាយរាល់បញ្ហាដែលបានកើតឡើង ទើបធ្វើអោយនាងសម្រេចចិត្តថានឹងរួមហ៊ុនជាមួយនឹងគេដើម្បីស្តារក្រុមហ៊ុនប៉ារបស់នាង។ 

តើណាផុងចូលខ្លួនមកនេះក្នុងបំណងល្អ ឬក៏មានល្បិចអ្វី? តើក្រុមហ៊ុននឹងទៅជាបែបណាបន្ត? កុំភ្លេចរង់ចាំតាមដានទស្សនារឿង គំនាបជីវិត ចាក់ផ្សាយរៀងរាល់ថ្ងៃច័ន្ទ ដល់ថ្ងៃ ព្រហសប្បតិ៍ វេលាម៉ោង ១១ព្រឹកតទៅ នៅលើកញ្ចក់ទូរទស្សន៍ភីអិនអិន៕ 

ដោយ៖ មុី វ៉ាន់ណែត