នៅសប្តាហ៍ថ្មីនេះពីកម្មវីធី Cambodia Lite Station បានអញ្ជើញក្រុមតារាចម្រៀងមួយក្រុម គឺក្រុម Hashtag រួមជាមួយនឹង កញ្ញា ឃុនលី មកចូលរួមបង្ហាញពីបទពិសោធន៍ទាំងនៅលើវិថីសិល្បៈ និងបទពិសោធន៍ផ្ទាល់ខ្លួនអោយទស្សនិកជនបានដឹង ។ មិនត្រឹមតែប៉ុណ្ណោះ កញ្ញា ឃុនលី និង ក្រុម Hashtag Band នឹងលើកយកបទចម្រៀងជាច្រើនបទសុទ្ធសឹងតែជាបទចម្រៀងពីរោះៗ ហើយក៏មានបទចម្រៀងខ្លះគឺជាបទនិពន្ធដោយខ្លួនឯងផ្ទាល់ថែមទៀតផង។

ចំពោះបទចម្រៀងដែលនឹងត្រូវលើកយកមកបកស្រាយនៅក្នុងកម្មវីធី Cambodia Lite Stationនឹងត្រូវបកស្រាយជាមួយភ្លេង Acoustic អមទៅដោយទេសភាពវាលស្រែនៅលើផ្ទាំង LED កាន់តែធ្វើអោយអារម្មណ៍លន្លង់លន្លោច រំសាយអស់ទុក្ខកង្វល់។ កម្មវីធី Cambodia Lite Station តែងតែផ្តល់ជូននូវភាពសប្បាយរីករាយតាមរយៈការបកស្រាយបទចម្រៀង និងកិច្ចសម្ភាសន៍ពិសេសជីកឬសជីកគល់ពីពិធីការនី ធីតា ជាមួយនឹងតារាកិត្តិយស។ ចង់ដឹងថាសប្តាហ៍នេះមានបទចម្រៀងអ្វីខ្លះ? ការបកស្រាយបទចម្រៀងពីរោះយ៉ាងណានោះ កុំភ្លេចរង់ចាំតាមដានទស្សនាកម្មវីធី Cambodia Lite Station ចាក់ផ្សាយនៅថ្ងៃអាទិត្យ វេលាម៉ោង ៥ល្ងាច នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត