តន្ត្រី KIZZ Concert នឹងនាំអារម្មណ៍ទស្សនិកជនមកសប្បាយរីករាយជាមួយវត្តមានតារាចម្រៀងល្បីៗជាច្រើនដួងពោរពេញទៅទឹកដមសម្លេងពីរោះ ស្តាប់ហើយធ្វើអោយរំសាយអស់នូវទុក្ខកង្វល់។ វត្តមានតារាចម្រៀងនៅសប្តាហ៍នេះរួមមាន កញ្ញា ស៊ូ ស៊ីរីកា លោក សុគន្ធ ថេរ៉ាយុ កញ្ញា ប្រេម៉ា កញ្ញា សុខុម រចនា និង KIZZ Super Fan Top 1 លោក LOKI។ តារាចម្រៀងខាងលើ នឹងនាំមកជាមួយបទចម្រៀងជាច្រើនបទ មានទាំងបទបែបមនោសញ្ចេតនា បទញាក់កន្ត្រាក់អារម្មណ៍ ចម្រុះគ្រប់រសជាតិ។

អ្វីដែលកាន់តែពិសេសទៀតនោះ តន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាព ហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព។ ចំពោះការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។  រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕
 

ដោយ៖ ម៉ី វ៉ាន់ណែត