វិលមកជួបគ្នាសារជាថ្មីពីកម្មវិធីអ្នកជិតខាង ដែលតែងតែពាំនាំនូវផ្ទាំងទស្សនីយ៍ភាពដ៏សប្បាយរីករាយ ថ្មីៗប្លែកៗ មកចែកជូនទស្សនិកជនទស្សនាមិនអោយខកចិត្តឡើយ។ ដោយឡែកសប្តាហ៍នេះ វត្តមានគ្រូបង្វឹកក្នុងកម្មវិធី Rapper Fighter លោក  សុជាតិ នឹងឡើងមករៀបរាប់ពីជីវិត នឹងបទពិសោធន៍នៅលើវេទិកាអ្នកជិតខាង! 

លោក សុជាតិបានរៀបរាប់ប្រាប់អ្នកជិតខាងថា អំឡុងពេលដែលលោកឈានជើងចូលសិល្បៈដំបូង លោកបានជួបឧបសគ្គជាច្រើនរាប់មិនអស់ឡើយ។ លោកបន្តថា លោកបានស្រលាញ់វិស័យសិល្បៈតាំងពីលោកនៅរៀនបឋមសិក្សាមកម្ល៉េះ។ តែលោកមិនដែលស្រម៉ៃថានឹងបានក្លាយជាតារាអាជីពបែបនេះទេ។ 

លោកបញ្ជាក់ទៀតដែរថា លោកធ្លាប់បានឡើងប្រឡងចម្រៀងនៅកម្មវិធីល្បីៗជាច្រើន តែលោកមិនដែលទទួលបានជ័យលាភីនោះទេ ហេតុនេះហើយ បានធ្វើអោយលោកមានការបាក់ទឹកចិត្តយ៉ាងខ្លាំង។ 
លោកបន្ថែមទៀតថា តាំងពីលោកចូលសិល្បៈ លោកក៏បានចាប់ផ្តើមស្គាល់គ្នានឹងបានបង្កើតក្រុមមួយ ដើម្បីបន្តដំណើរលើវិថីសិល្បៈនេះទៀត អ្វីដែលលោកមិនរំពឹង គឺបានធ្វើអោយក្រុមលោកជោគជ័យរហូតមកដល់សព្វថ្ងៃនេះ 

ចង់ដឹងថា លោក សុជាតិ នឹងរៀបរាប់ពីអ្វីខ្លះទៀត សូមកុំភ្លេចរងចាំតាមដានទស្សនា នៅលើកញ្ចក់ទូរទស្សន៍ភីអិនអិន ក្នុងកម្មវិធីអ្នកជិតខាង  នៅថ្ងៃសៅរ៍ ទី២១ ខែ កញ្ញា ឆ្នាំ ២០២៤ វេលាម៉ោង ៩យប់តទៅ ឬ ទស្សនាគ្រប់ពេលលើ PNN Plus ! ទាញយកឥឡូវនេះចុច https://pnnplus.page.link/iDzQ
សូមទស្សនាវីដេអូខាងក្រោម៖

ដោយ៖ ស្រីមុំ