នៅសប្តាហ៍នេះវត្តមានរបស់តារាចម្រៀងបីដួង និងតារាសម្តែងស្រីមួយដួង នឹងបង្ហាញវត្តមាននៅលើឆាកតន្ត្រី KIZZ Concert ជាមួយបទចម្រៀងជាច្រើនបទពីរោះៗ កន្ត្រាក់អារម្មណ៍ លាយឡំបទចម្រៀងមនោសញ្ចេតនាយ៉ាងរណ្តំចិត្តតែម្តង។ 
តារាទាំងនោះរួមមាន លោក 1NE កញ្ញា តី កញ្ញា AVITA និងតារាសម្តែង កញ្ញា មុន្នី វិជ្ជារ៉ា។ តារាទាំងបួនដួងនឹងមានស្ទាយរាំប្លែកៗ ការតុបតែងខ្លួនតាមបែបសម័យថ្មី យុវវ័យ មិនធ្វើអោយទស្សនិកជនខកបំណងឡើយ។ 

អ្វីដែលកាន់តែពិសេសទៀតនោះ តន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាព ហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព ហើយការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។ 
រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕
 

ដោយ៖ ម៉ី វ៉ាន់ណែត