ក្រោយតាន់ថៃជីងដឹងថានៅក្នុងបបរមានសារជាតិពុល គេក៏គិតថា សៀវអ៊ូ មានបំណងចង់ធ្វើឃាត ថៃជីងខឹងណាស់ ដោយគិតថាសៀវអ៊ូចង់សម្លាប់គេព្រោះតែចង់ជួយដល់សៀវលីង ដោយមិនបានដឹងទេថា តាមពិតទៅនៅក្នុងបបរនោះគឺ ពីងឆាងទេដែលជាអ្នកដាក់ថ្នាំពុល មិនមែនសៀវអ៊ូឡើយ។ ក្រោយពីដឹងថានៅក្នុងបបរមានសារជាតិពុល ថៃជីង បានខឹងនឹងសៀវអ៊ូ ហើយក៏បានដឹងថានាងមានបំណងចង់រំដោះសៀវលីង គេក៏បណ្តោយអោយសៀវអ៊ូទៅរំដោះសៀវលីងចេញពីគុក។ នៅតាមផ្លូវសៀវលីងក៏ឆ្ងល់ដែរ ថាហេតុអ្វីបានជាគ្មានអ្នកណាតាមមកពីក្រោយសោះបែបនេះ ដោយគេមិនបានដឹងទេថា តាមពិតទៅថៃជីង បានបញ្ជារមិនអោយមាននរណាតាមពួកគេឡើយ។ 

ទោះបីជាគ្មានអ្នកណាតាមពីក្រោយពួកគេទាំងពីរនាក់ក៏ពិតមែន ប៉ុន្តែថៃជីងបានប្រើយុទ្ធិសីល្ប៍បញ្ជារអោយសៀវអ៊ូចាក់សម្លាប់សៀវលីង។ ក្រោយពេលចាក់សៀវលីង សៀវអ៊ូបានដឹងខ្លួនវិញ នឹងមានការខកចិត្តជាខ្លាំងព្រោះនាងមិនបានដឹងទេថាហេតុអ្វីនាងធ្វើបែបនេះដាក់សៀវលីង។ តើសៀវលីងអាចនឹងស្លាប់ព្រោះតែការសម្លាប់របស់សៀវអ៊ួដែរទេ? តើសៀវអ៊ូនឹងត្រូវរងនូវការចោទប្រកាន់ពីថៃជីងដល់ពេលណា? កុំភ្លេចរង់ចាំតាមដានទស្សនា រឿង ព្រះច័ន្ទអស្តង្គត ចាក់ផ្សាយរៀងរាល់ថ្ងៃច័ន្ទ ដល់ ថ្ងៃព្រហស្បតិ៍ វេលាម៉ោង ១២ថ្ងៃត្រង់ នៅលើកញ្ចក់ទូរទស្សន៍ ភីអិនអិន ៕ 

ដោយ៖ មុី វ៉ាន់ណែត