ដោយសារតែមានការសង្ស័យថាម៉ៃឃើលួចក្បត់ លោកសម្បត្តិ ក៏បានរៀបចំផែនការអោយម៉ៃឃើ ទទួលគម្រោងធំមួយរបស់ក្រុមហ៊ុន ដែលគម្រោងនោះកំពុងតែមានភាពចម្រូងចម្រាស់ជាមួយនឹងអ្នកស្រុកអ្នកភូមិនៅទីនោះ។ អ្នកស្រុកអ្នកភូមិនៅទីនោះ កំពុងតែមានការតវ៉ាជាខ្លាំងចំពោះដំណើរការសាងសង់ រីសត ដ៏ធំមួយ ព្រោះក្រុមហ៊ុននឹងត្រូវកាប់ដើមឈើចោលដើម្បីសាងសង់រីសតនោះ ប៉ុន្តែអ្នកស្រុកអ្នកភូមិ តវ៉ាមិនចង់អោយមានការកាប់ដើមឈើឡើយ ដោយសារតែអ្នកស្រុកអ្នកភូមិ រស់នៅអាស្រ័យដោយដើមឈើទាំងនោះសម្រាប់ធ្វើស្រែ ធ្វើចំការ និងការរស់នៅប្រចាំថ្ងៃ។ 

បានជាមានភាពចម្រូងចម្រាស់បែបនេះ ក៏ព្រោះតែពីដំបូងដែលក្រុមហ៊ុនទៅចចារទិញដីនោះ បានសន្យាថានឹងមិនកាប់ដើមឈើសូម្បីតែមួយដើម ប៉ុន្តែពេលជាក់ស្តែងគឺត្រូវកាប់ដើមឈើនោះចោលទាំងអស់ ទើបអាចសាងសង់រីសតនោះបាន។ រឿងនេះ ម៉ៃឃើ ពុំបានដឹងជាមុនឡើយ រហូតពេលបានជួបបែបនេះទើបដឹងថាលោកសម្បត្តិដែលជាប៉ាក្មេក កំពុងតែព្យាយាមចាប់កំហុស និងកំពុងតែចង់ដកពិសោធន៍ពីសមត្ថភាពរបស់គេ។ 

តើម៉ៃឃើ និងរីកា មានដំណោះស្រាយបែបណា ចំពោះបញ្ហាដ៏ធំមួយនេះ? ចង់ជ្រាបច្បាស់កុំភ្លេចរង់ចាំតាមដានទស្សនារឿង ហេតុអ្វីជាពួកយើង ចាក់ផ្សាយរៀងរាល់ថ្ងៃច័ន្ទ ដល់ ថ្ងៃព្រហសប្បតិ៍ វេលាម៉ោង ៨យប់តទៅ នៅលើកញ្ចក់ទូរទស្សន៍ភីអិនអិន៕ 
 

ដោយ៖ ម៉ី វ៉ាន់ណែត