នៅសប្តាហ៍នេះពីកម្មវីធី Cambodia Lite Station នឹងនាំអារម្មណ៍ទស្សនិជកទៅជួបជាមួយតារាចម្រៀងពីរដួងគឺ លោក វិចិត្រ និង កញ្ញា អ៊ីឡា ឡា ។ អ្នកទាំងពីរគឺជាតារាចម្រៀងដែលកំពុងតែទទួលបានការគាំទ្រពីហ្វេនៗជាច្រើន ព្រោះតែសម្លេងរបស់តារាទាំងពីរដួងពីរោះគួរអោយចង់ស្តាប់ ជាពិសេសនៅពេលបានបកស្រាយបទចម្រៀងបែបលន្លង់លន្លោចអមជាមួយសាច់ភ្លេងបែប Acoustic ទៀតនោះ កាន់តែធ្វើអោយបទចម្រៀងកាន់តែអន្ទោងបេះដូងទស្សនិកជន។

ដូចដែលទស្សនិកជនដឹងហើយថាកម្មវិធី Cambodia Lite Station ទស្សនិកជនមិនត្រឹមតែបានស្តាប់នូវបទចម្រៀងពីរោះៗជាច្រើនបទប៉ុណ្ណោះទេ ប៉ុន្តែថែមទាំងបានទស្សនានូវកិច្ចសម្ភាសន៍ជីកកកាយពីរឿងរ៉ាវផ្ទាល់ខ្លួនរបស់តារាកិត្តិយសរួមទាំងជីវិតលើវិថីសិល្បៈចម្រៀងថែមទៀតផង។ 

កម្មវិធី Cambodia Lite Station តែងតែអញ្ជើញតារាកិត្តិយសពីរដួងក្នុងមួយសប្តាហ៍មកចូលរួមក្នុងកម្មវីធី ដើម្បីចែករំលែកនូវបទពិសោធន៍ល្អៗអោយទស្សនិកជនបានដឹង និងការបកស្រាយបទចម្រៀងបែបAcoustic ពីរោះៗថែមទៀតផង។ 
កុំភ្លេចណា Cambodia Lite Station នៅសប្តាហ៍នេះ ចាក់ផ្សាយនៅថ្ងៃអាទិត្យ ទី០១ ខែកញ្ញា ឆ្នាំ២០២៤ វេលាម៉ោង ៥ល្ងាច តទៅ នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត