នៅសប្តាហ៍នេះ តារាចម្រៀងរៀមច្បងដ៏ល្បីមួយរូបគឺ អ្នកនាង យក់ ថិតរដ្ឋា នឹងឡើងមកបកស្រាយបទចម្រៀងពីរោះៗលើឆាកតន្ត្រី KIZZ Concert។ ដូចទស្សនិកជនដឹងហើយថា អ្នកនាង យក់ ថិតរដ្ឋា បានធ្វើអោយហ្វេនៗជាច្រើនងាកមកគាំទ្របទចម្រៀងរបស់អ្នកនាង ព្រោះតែបទនីមួយៗសុទ្ធតែចាក់ចំបេះដូងទស្សនិកជន។ 

មិនត្រឹមតែបានជួបជាមួយនឹង អ្នកនាង យក់ ថិតរដ្ឋា ប៉ុណ្ណោះទេ ទស្សនិកជននឹងបានជួបជាមួយវត្តមានរបស់តារាចម្រៀងប្រុសស្រីបីដួងទៀតរួមមាន លោក នេន ទុំ លោក អនុស្សាវរីយ៍ និង កញ្ញា BEE EMM។ អ្វីដែលកាន់តែពិសេសទៀតនោះគឺសប្តាហ៍នេះវត្តមានរបស់បេក្ខជន KIZZ Super Fan Top1 លោក ពេជ្រ ខ្មៅ នឹងឡើងមកបកស្រាយបទចម្រៀងជាមួយ Idol របស់ខ្លួនគឺលោក អនុស្សាវរីយ៍។ 

ជាការពិតណាស់តន្ត្រី KIZZ Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។ រៀងរាល់ខែនឹងមានបេក្ខភាពមកបង្ហាញសមត្ថភាព ហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព ហើយការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។ រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។ បេក្ខភាព ដែលមានការគាំទ្រខ្លាំងជាងគេបំផុត ១រូប
 ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។ KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕
 

ដោយ៖ ម៉ី វ៉ាន់ណែត