វិលមកជួបគ្នាសារជាថ្មីពីកម្មវិធីអ្នកជិតខាង ដែលតែងពាំនាំនូវផ្ទំាងទស្សនីយ៍ភាព ប្លែកៗសប្បាយៗ ថ្មីៗ មកចែកជូនទស្សនិកជនទស្សនាមិនអោយមានការធុញទ្រាន់ នឹងបំបាត់នូវអារម្មណ៍តានតឹងពីការងារផងដែរ។ សប្តាហ៍នេះ ទស្សនិកជននឹងបានជួបជាមួយតារាល្បីពហុជំនាញនឹងឡើងមករៀបរាប់ពីបទពិសោធន៍នៅលើវេទិការអ្នកជិតខាងនោះគឺលោក M Fat។ 

លោក M Fat បានរៀបរាប់ប្រាប់អ្នកជិតខាងថា លោកពិតជាស្រលាញ់លើវិស័យសិល្បៈនេះជាខ្លំាងរហូតដល់លោកសម្រេចចិត្តថានឹងរៀនអ្វីដែលទាក់ទងនឹងសិល្បៈដូច ការលេងហ្គីតា ការតែងនិពន្ធ ក៏ដូចជាការច្រៀងជាដើម តែដោយសាតែនៅតាមខេត្ត មិនមានសាលាបង្រៀននោះទេ លោកក៏បានចាប់ផ្តើមរៀនតាមរយៈការមើលវីដេអូន តាមYou Tube ជាដើម។ 

លោកបានបន្ថែមថា ដោយសារតែការស្រលាញ់ លោកក៏តែងតែជួបជាមួយមនុស្សដែលស្រលាញ់វិស័យសិល្បៈដូចគ្នា ទើបធ្វើអោយលោកអាចឈានមកដល់ចំណុចនេះជាច្រើន។ 
ទន្ទឹមនឹងការជោគជ័យនៅលើវិថីសិល្បៈនេះ លោកក៏ធ្លាប់ទទួលបានការរិះគន់ផងដែរ ដោយសារតែរូបលោកមិនស្អាត មិនសាកសម នឹងធ្វើជាអ្នកសិល្បៈឡើយ  តែរាល់សំដីទាំងនោះមិនបានធ្វើអោយអោយលោកបាក់ទឹកចិត្តទេ ថែមទាំងយកមកធ្វើជាការលើកទឹកចិត្ត ដើម្បីអោយលោកកាន់តែរីកចម្រើនថែមទៀតផង។ 

ចង់ដឹងថា លោក M Fat នឹងរៀបរាប់ពីអ្វីខ្លះទៀត សូមកុំភ្លេចរងចាំតាមដានទស្សនា នៅលើកញ្ចក់ទូរទស្សន៍ភីអិនអិន ក្នុងកម្មវិធីអ្នកជិតខាង  នៅថ្ងៃសុក្រ ទី២៣ ខែ សីហា ឆ្នាំ ២០២៤ វេលាម៉ោង ៩យប់តទៅ ឬ ទស្សនាគ្រប់ពេលលើ PNN Plus ! ទាញយកឥឡូវនេះចុច https://pnnplus.page.link/iDzQ
សូមទស្សនាវីដេអូខាងក្រោម៖

ដោយ៖ ស្រីមុំ