ត្រលប់មកជួបគ្នាសារជាថ្មីពីកម្មវិធី អ្នកជិតខាងដែលតែងពាំនាំនូវផ្ទាំងទស្សនីយ៍ភាពថ្មីៗប្លែក សប្បាយ មកចែកជូនទស្សនិកជនទស្សនាដើម្បីបំបាត់នូវអារម្មណ៍តានតឹងពីការងារទាំងឡាយ។ ដោយឡែកសប្តាហ៍នេះ ទស្សនិកជនទទួលបានអារម្មណ៍កាន់តែប្លែកជាមួយនឹងវត្តមានតារាជើងចាស់ដ៏ល្បីមួយរូបនៅក្នុងព្រះរាជាណាចក្រកម្ពុជានោះគឺលោក សាវីន ហ្វីលីព នឹងចូលរួមក្នុងកម្មវិធីអ្នកជិតខាងដើម្បីបង្ហាញពីបទពិសោធន៍ជាច្រើនផងដែរ។ 

លោកហ្វីលីពរៀបរាប់នៅក្នុងកម្មវិធីអ្នកជិតខាងថា លោកបានប្រឡូកក្នុងវិស័យថតកុនរយៈពេលជាង ៣២ឆ្នាំំមកហើយ។ ដោយចាប់ថតដំបូងលោកគ្រាន់តែជាតួអង្គមិត្តរបស់តួឯក តែក៏ជាតួអង្គសំខាន់ក្នុងសាច់រឿងដែរ។ បន្ទាប់ពីលោកថតយូរៗទៅ ក៏បានឡើងដំណែងជាតួរង។ 

លោកបានបន្ថែមទៀតថា មិនត្រឹមតែថតកុនតែប៉ុណ្ណោះតែ លោកក៏បានថតខារ៉ាអូខេចម្រៀងជាច្រើន ដែលក្នុងដោយដែរលោកក៏បានបញ្ជាក់ថា ការថតខារ៉ាអូខេជំនាន់នោះពិតជាមានការលំបាក ដោយត្រូវចាក់ម៉ាញ៉េ ដើម្បីស្តាប់នឹងធ្វើមាត់តាមបទ ។ 

មិនត្រឹមតែប៉ុណ្ណោះលោកបញ្ជាក់ថា បើទោះបីជាពេលនោះមិនសូមទំនើបដូចបច្ចុប្បន្ន តែកុនជំនាន់នោះគឺមានការទទួលស្គាល់ច្រើនខ្លំាងណាស់។ ចំណែកឯកុនដុំនីមួយៗ គឺមានមនុស្សច្រើនចូលរួមទស្សនានឹងមានការគាំទ្រជាខ្លាំង។ 

ចង់ដឹងថា លោកហ្វីលីព នឹងរៀបរាប់ពីអ្វីខ្លះទៀត សូមកុំភ្លេចរងចាំតាមដានទស្សនា នៅលើកញ្ចក់ទូរទស្សន៍ភីអិនអិន ក្នុងកម្មវិធីអ្នកជិតខាង  នៅថ្ងៃសុក្រ ទី០៩ ខែ សីហា ឆ្នាំ ២០២៤ វេលាម៉ោង ៩យប់តទៅ ឬ ទស្សនាគ្រប់ពេលលើ PNN Plus ! ទាញយកឥឡូវនេះចុច https://pnnplus.page.link/iDzQ
សូមទស្សនាវីដេអូខាងក្រោម៖

ដោយ៖ ស្រីមុំ