ជួបគ្នាសារជាថ្មីពីកម្មវិធីគ្រួសាររីករាយ ដែលតែងតែពាំនាំនូវផ្ទាំងទស្សនីយភាពដ៏សប្បាយរីករាយ នឹងផ្តល់នូវចំណេះដឹងជាច្រើនដល់អូនៗតូចផងដែរ។ អ្វីដែលកាន់តែពិសេសទៅទៀតនោះគឺ កម្មវិធីក៏តែងផ្តល់ឱកាសដល់អូនតូចដែលមានភាពក្លាហាន មានសមត្ថភាព នឹងចំណេះដឹង ដើម្បីបានចូលរួមលេងហ្គេមសប្បាយៗដើម្បីយករង្វាន់ជាច្រើនពីកម្មវិធី។ 

វត្តមានប្អូនស្រី មុន្នីនាថ  បានដឹកដៃអ្នកម៉ាក់ និង លោកប៉ា ដើម្បីចូលរួមលេងហ្គេមយករង្វាន់។ ក្នុងនោះដែរប្អូនស្រី មុន្នីនាថ  នឹងត្រូវឆ្លងកាត់វិញ្ញាសារជាច្រើន ដែលតម្រូវអោយប្អូនស្រីខិតខំប្រឹងប្រែងបង្ហាញនូវសមត្ថភាព នឹងភាពវៃឆ្លាតរបស់ខ្លួន ព្យាយាមធ្វើយ៉ាងណា ពន្យល់អោយអ្នកម៉ាក់ និងលោកប៉ាងាយយល់ ចំណែកឯអ្នកម៉ាក់ និងលោកប៉ា ក៏ត្រូវព្យាយាម យកចិត្តទុកដាក់ស្តាប់អូនតូចពន្យល់ដូចគ្នា ដើម្បីឆ្លើយត្រូវ នឹងទទួលបានរង្វាន់។ 

ចង់ដឹងថា ប្អូនស្រី មុន្នីនាថ  អាចឆ្លងកាត់ហ្គេមទាំងអស់ នឹងទទួលបានរង្វាន់ពីកម្មវិធីយ៉ាងណាខ្លះនោះ? សូមកុំភ្លេចរង់ចាំតាមដានទស្សនាការផ្សាយជូននៅលើកញ្ចក់ទូរទស្សន៍ភីអិនអិន ក្នុងកម្មវិធី
 «គ្រួសាររីករាយ» នៅថ្ងៃអាទិត្យ ទី ១១ខែ សីហា ឆ្នាំ ២០២៤ ចាប់ពីវេលាម៉ោង ១១ព្រឹកតទៅ៕ 
សូមទស្សនាវីដេអូខាងក្រោម៖

ដោយ៖ ស្រីមុំ