សប្តាហ៍នេះពីកម្មវិធី Cambodia Lite Station នឹងធ្វើអោយទស្សនិកជនពោរពេញទៅដោយស្នាមញញឹម អារម្មណ៍តានតឹងទាំងឡាយនឹងត្រូវទម្លាក់ចោល ជាមួយបទចម្រៀងជាច្រើនបទ សុទ្ធសឹងតែជាបទមនោសញ្ចេតនា អមទៅដោយបទភ្លេងបែប Acoustic យ៉ាងពីរោះរណ្តំតែម្តង។ 

ចំពោះវត្តមានតារាកិត្តិយសនៅសប្តាហ៍នេះរួមមាន ក្រុមចម្រៀង Suffer រួមនិង លោក Nicky ។វត្តមានតារាចម្រៀងទាំងនេះសុទ្ធសឹងតែមានទឹកដមសម្លេងពីរោះ ស្តាប់មិនចេះជិនណាយ។ រីឯបទចម្រៀងដែលនឹងត្រូវលើកយកមកបកស្រាយទៀតនោះគឺសុទ្ធតែជាបទដែលមានអត្ថន័យជ្រាលជ្រៅចំពោះរឿងស្នេហា។

មិនត្រឹមតែប៉ុណ្ណោះ ទស្សនិកជនក៏នឹងញញឹមដោយមិនខ្លួនជាមួយកិច្ចសម្ភាសន៍ពិសេសរវាងពិធីការនីពូកែវោហារ ពេជ្រ ចាន់ធីតា និងតារាកិត្តិយសទាំងបួនដួងថែមទៀតផង។ ចង់ដឹងថានៅសប្តាហ៍នេះពិសេស ដូចអ្វីដែលបានរៀបរាប់ឬអត់ កុំភ្លេចរង់ចាំតាមដានទស្សនាកម្មវិធី Cambodia Lite Station ចាក់ផ្សាយនៅថ្ងៃអាទិត្យ ទី១១ ខែសីហា ឆ្នាំ២០២៤ វេលាម៉ោង ៥ល្ងាចតទៅ នៅលើកញ្ចក់ទូរទស្សន៍ ភីអិនអិន ៕ 

ដោយ៖ ម៉ី វ៉ាន់ណែត