ក្រោយពេលប៉ារបស់រីណាបានស្លាប់ទៅ រីណាដែលជាកូនស្រីមិនឈរអោបដៃមើលឡើយ ព្រោះការស្លាប់នេះពិតជាគួរអោយសង្ស័យបំផុត រីណាមិនអស់ចិត្តព្រោះតែនាងកំពុងតែសង្ស័យថាមានអ្នកលួចប្តូរថ្នាំបំណងចង់សម្លាប់ប៉ារបស់នាងតែម្តង។ អ្វីដែលសំខាន់ទៀតនោះ ក្រោយពេលប៉ារបសនាងស្លាប់ទៅ សារ៉ាឆៃ ដែលជាប៉ារបស់ កាន និងកន ក៏បានទម្លាយថាប៉ារបស់រីណាបានស៊ីសំណូកសូកប៉ាន់ ទើបរីណាមានការខឹងសម្បារចំពោះរឿងនេះ។ រីណាបានសង្ស័យថា សារ៉ាឆៃ គឺជាអ្នកសម្លាប់ប៉ារបស់នាង ហេតុដូចនេះនាងក៏រកគ្រប់វិធី ដើម្បីស៊ើបអោយដឹងការពិតក្នុងរឿងនេះ។ ប៉ុន្តែការស៊ើបនេះក៏ត្រូវបានកនតាមទាន់ នឹងបានដឹងថា នាងកំពុងតែរៀបចំគម្រោងអ្វីម្យ៉ាង។ 

តើរីណាអាចរកឃើញភស្តុតាងអ្វីជុំវិញការស្លាប់យ៉ាងគួរអោយសង្ស័យរបស់ប៉ានាង? តើនរណាទៅដែលជាឃាតករនៅពីក្រោយរឿងនេះ? ចង់ជ្រាបច្បាស់ កុំភ្លេចរង់ចាំតាមដានទស្សនារឿង សូរ្យគ្រាសស្នេហ៍ ចាក់ផ្សាយរៀងរាល់ថ្ងៃចន្ទ ដល់ថ្ងៃ ព្រហស្បតិ៍ វេលាម៉ោង ៦ល្ងាចតទៅ នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត