អ៊ីឡាងដែលជាមេបក្សយានសាន ពេលនេះកំពុងតែប្រឈមនឹងគ្រោះថ្នាក់ដល់ជីវិត ព្រោះតែគេបានជួយលីងឡុងពីក្នុងទឹក ធ្វើអោយធាតុត្រជាក់ជ្រាបចូលក្នុងខ្លួនបណ្តាលអោយជីពចរដើរបញ្ច្រាស់! មនុស្សដែលនៅក្នុងបក្សយានសាន និងបក្សបាយហ័រ កំពុងតែពិបាកចិត្តជាខ្លាំងចំពោះរឿងនេះ ជាពិសេសគឺលីងឡុង។ ចំនែកឯលោកគ្រូនៃបក្សយានសានម្នាក់ៗខំបញ្ចូលកម្លាំងធាតុអោយទៅអ៊ីឡាង ដើម្បីអោយគេមានកម្លាំង និងអាចបន្តជីវិតតាមដែលអាចធ្វើទៅបាន។ 

ព្រោះតែជម្ងឺរបស់អ៊ីឡាងធ្វើទុក្ខខ្លាំងបែបនេះ ទើបធ្វើអោយសិស្សបក្សយានសានយករឿងនេះ ទៅប្រាប់ដល់ស៊ីងមុ ដើម្បីអោយមកជួយដល់អ៊ីឡាង។ ស៊ីងមុដែលជាសិស្សច្បងធំនៃបក្សយានសាន ពេលដឹងដំណឹងនេះភ្លាមក៏ប្រញាប់ធ្វើដំណើរទៅកាន់បក្ស ដើម្បីជួយដល់សិស្សប្អូន។  ស៊ីងមុ បានដឹងមកថាលោកគ្រូតាមានគុជព្រលឹងអាចជួយជីវិតបាន ប៉ុន្តែត្រូវកាត់អាយុជីវិតនរណាម្នាក់ ដើម្បីជួយដល់អ៊ីឡាង នោះទើបអ៊ីឡាងអាចបន្តជីវិតទៅមុខទៀតបាន។ តើលោកគ្រូតាយល់ព្រមធ្វើតាមស៊ីងមុដែរទេ? តើវាសនារបស់អ៊ីឡាងនឹងទៅជាបែបណា? 

កុំភ្លេចរង់ចាំតាមដានទស្សនារឿង ជម្លោះបក្សយានសាន និងបាយហ័រ ចាក់ផ្សាយនៅលើកញ្ចក់ ទូរទស្សន៍ភីអិនអិន រៀងរាល់ថ្ងៃចន្ទ ដល់ថ្ងៃព្រហស្បតិ៍ វេលាម៉ោង ១២ថ្ងៃត្រង់តទៅ៕ 
 

ដោយ៖ ម៉ី វ៉ាន់ណែត