វិលមកជួបគ្នាសារជាថ្មីពីកម្មវិធីអ្នកជិតខាង ដែលតែពាំនាំនូវផ្ទាំងទស្សនីយ៍ភាពប្លែកៗ សប្បាយៗ ចែកជូនទស្សនិកជន ក៏ដូចជាហ្វេនៗបានទស្សនាបំបាត់នូវអារម្មណ៍តានតឹងទាំំងឡាយ។ នាសប្តាហ៍នេះវត្តមានតារាកិត្តិយសដែលកំពុងល្បីយ៉ាងខ្លាំង នឹងឡើងមករៀបរាប់ពីជីវិតដ៏ជូរចត់ រហូតធ្វើអោយលោកជោគជ័យមកដល់ពេលនេះ។ វត្តមានលោក អានុស្សារីយ៍ បានរៀបរាប់នៅក្នុងកម្មវិធីអ្នកជិតខាងថា លោកធ្លាប់បានច្រៀងនៅតាមអកកេសតាមភូមិ ដោយបានប្រាក់ឈ្នួលតិចបំផុត ហើយលោកបានជួយធ្វើការគ្រប់បែបយ៉ាង ដោយជួយរើធុងបាស រើឆាកអីជាដើម ដោយសារតែសេចក្តីស្រលាញ់ព្យាយាម ទោះយ៉ាងណាក៏លោកនៅតែប្រឹងប្រែងមិនរាថយឡើយ ។ 

លោកបានបន្ថែមទៀតដែរថា លោកបានមានឱកាសទៅប្រលងចម្រៀងក្នុងកម្មវិធីមួយ ដោយសារតែមានការគាំទ្រពីសំណាកគ្រួសារទើបលោកសម្រេចថាទៅប្រលង តែលទ្ធផលដែលលោកទទួលបានមិនសមបំណងក៏ដោយ ។ លោកបន្តថា លោកធ្លាប់ជួបការបរាជ័យជាច្រើនលើកច្រើនសារ ធ្វើអោយលោកធ្លាប់គិតបោះបង់អាជីពនេះចោលបីបួនដង ដោយសារតែមានពាក្យនិយាយថា ច្រៀងធ្វើអី គ្មានប្រយោជន៍អីទេ មិនអាចល្បីបានទេ ព្រោះមុខអាក្រក់ដូច្នេះ។ តែទោះបីយ៉ាងណា ក៏លោកនៅតែបន្តប្រឹងប្រែងនឹងតស៊ូ រហូតមានគេស្គាល់ច្រើន ហើយល្បីមកដល់សព្វថ្ងៃនេះ។ 

ចង់ជ្រាបកាន់តែច្បាស់ថាជីវិតលោកអានុស្សារីយ៍ធ្លាប់មានប្រវត្តិជូរចត់យ៉ាងណានោះ សូមកុំភ្លេចរងចាំទស្សនា កម្មវិធី អ្នកជិតខាង ដែលនឹងចាក់ផ្សាយនៅលើកញ្ចក់ទូរទស្សន៍ភីអិនអិន នៅថ្ងៃសុក្រ ទី១០ ខែ ឧសភា ឆ្នាំ ២០២៤ វេលាម៉ោង ៩យប់តទៅ៕

សូមទស្សនាវីដេអូខាងក្រោម៖

ដោយ៖ ស្រីមុំ