រឿង បុព្វេនិម្មិត នៅយប់នេះ ចូលដល់វគ្គពិសេសទៀតហើយ ព្រោះតែ ជេម បានបង្ហាញនូវការខឹងសម្បារចំពោះ លីន ហើយក៏បានហៅ លីន អោយចូលទៅជួប និយាយពីរឿងដែលលីននិពន្ធថាមិនទាក់ទាញ សាច់រឿងមិនល្អ។ រីឯលីនបានឆ្លើយតបភ្លាមៗថានាងមិនជំនាញនិពន្ធរឿងបែបបូរាណឡើយ តែ ជេម នៅតែបង្ខំអោយនាងធ្វើ។ ព្រោះតែតវ៉ាមិនឈ្នះលីន ជេម បានលើកពីរឿងដែលភីតទឺតែងតែទៅជួបលីន និងបានប្រាប់លីនមិនអោយទៅស្និទ្ធស្នាលនឹងភីតទឺផងដែរ។ 

លីនគឺជាមនុស្សពូកែឌឺ នាងមិនព្រមទទួលយកនូវអ្វីដែលជេមនិយាយឡើយ ថែមទាំងនិយាយទៀតថា តាមពិតទៅ នាងមិនដែលចង់ទៅរញ៉េរញ៉ៃអីជាមួយភីតទឺនោះទេ ប៉ុន្តែគេទៅវិញទេដែលតែងតែទៅរំខាននាងធ្វើការរៀងរាល់ថ្ងៃ។ អ្នកទាំងពីរបានប្រកែកគ្នាពីរឿងនេះ រហូតធ្វើអោយលីនហ៊ានព្រលយពាក្យព្រោះតែចង់ឌឺជេម កាន់តែខ្លាំង នាងថាបើសិនជាភីតទឺនៅតែធ្វើបែបនេះ ថ្ងៃក្រោយទៅមិនប្រាកដនោះទេ នាងអាចនឹងបាក់ចិត្តស្រឡាញ់ភីតទឺផងក៏ថាបាន។ 

លីនពូកែឌឺដងផ្លែផ្កាណាស់ដែរតើ ចាំមើលតើកម្លោះរូបសង្ហារនាយ ជេម នឹងត្រូវធ្វើបែបណាដើម្បីរារាំងកុំអោយលីន និងភីតទឺ មកស្និទ្ធស្នាលគ្នាបាន? កុំភ្លេចរង់ចាំតាមដានទស្សនារឿង បុព្វេនិម្មិត ចាក់ផ្សាយរៀងរាល់ថ្ងៃច័ន្ទ ដល់ថ្ងៃ ព្រហស្បតិ៍ វេលាម៉ោង ៨យប់តទៅ នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត