នៅយប់នេះទស្សនិកជននឹងបានទស្សនារឿងភាគខ្មែរថ្មីសន្លាងមួយដែលមានចំណងជើងថា កម្លោះវណ្ណដា ប៉ះកញ្ញា សុពណ៍ទេវី រឿងភាគខ្មែរមួយរឿងនេះ ធានាថាទស្សនិកជនច្បាស់ជាជក់ចិត្តជាមិនខានជាមួយសាច់រឿងថ្មីប្លែក ជាពិសេសក៏មានបូនកញ្ចូលទាំងការអប់រំផងដែរ។ 

តួឯកប្រុសស្រីក្នុង រឿង កម្លោះវណ្ណដា ប៉ះកញ្ញាសុពណ៍ទេវី ចូលរួមសម្តែងដោយតារាប្រុសស្រីដែលកំពុងតែទទួលបានប្រជាប្រិយភាពខ្លាំងលើវិថីសិល្បៈនោះគឺកញ្ញា មុនី វិច្ឆរ៉ា សម្តែងជាតួនាង សុពណ៍ទេវី ជាតួស្រីឆ្នាស់ឆ្នើម អាត្មានិយម ប៉ុន្តែមានទឹកចិត្តល្អ និងស្តាប់ឪពុកម្តាយ។ ចំណែកតួប្រុសគឺលោក ហេង ម៉េងឃុន សម្តែងជាតួ វណ្ណដា តាមពិតទៅវណ្ណដា មានឈ្មោះពិតគឹដេវីត ប៉ុន្តែព្រោះតែស្រឡាញ់និងចូលចិត្តតារាចម្រៀងរ៉េប វណ្ណដា ទើបដាក់ឈ្មោះហៅក្រៅថាវណ្ណដា។ 

នៅក្នុងរឿងនេះ សុពណ៍ទេវី គឺជាគ្រូបង្រៀនម្នាក់ ដែលត្រូវទៅបង្រៀនតាមខេត្តឆ្ងាយ រីឯវណ្ណដា វិញគឺជាសិស្សរៀនចប់ផ្នែក IT មកពីបរទេស ប៉ុន្តែតាមពិតទៅក្តីស្រម៉ៃរបស់ វណ្ណដា គឺចង់ក្លាយជាអ្នកចម្រៀង នៅពេលដែលគេបានជួបជាមួយមិត្តភ័ក្តិដែលមាននិស្ស័យដូចគ្នា គេក៏បង្កើតជាក្រុមតន្ត្រីមួយនៅខេត្ត។ វណ្ណដា និងទេវី ក៏បានជួបគ្នា ប៉ុន្តែការស្គាល់គ្នាដំបូងពួកគេមិនត្រូវគ្នាឡើយ ទាំងពីរនាក់ តែងតែមានការឌឺដងដាក់គ្នាឥតឈប់ឈរ ប៉ុន្តែដោយសារតែអំពើល្អរបស់វណ្ណដា ដែលចេះជួយយកអាសារគ្នា បានធ្វើអោយទេវី បាកចិត្តស្រឡាញ់វណ្ណដាដោយមិនដឹងខ្លួន។ 

តើសាច់រឿងទាំងមូលនឹងទៅជាបែបណា? តើអ្នកទាំងពីរនឹងឌឺដងផ្លែផ្កាដាក់គ្នាយ៉ាងណាទៅក្នុងរឿងមួយនេះ? កុំភ្លេចរង់ចាំតាមដានទស្សនារឿង កម្លោះវណ្ណដា ប៉ះកញ្ញា សុពណ៍ទេវី ចាក់ផ្សាយរៀងរាលថ្ងៃចន្ទ ដល់ថ្ងៃព្រហស្បតិ៍ វេលាម៉ោង ៧យប់តទៅ នៅលើកញ្ចក់ ទូរទស្សន៍ភីអិនអិន ៕
ទស្សនាវីដេអូខ្លីសូមចុច៖ 

ដោយ៖ ម៉ី វ៉ាន់ណែត