ជួបគ្នាសារជាថ្មីពីកម្មវិធីគ្រួសាររីករាយ ដែលតែងតែពាំនាំនូវផ្ទាំងទស្សនីយភាពដ៏សប្បាយរីករាយ នឹងផ្តល់នូវចំណេះដឹងជាច្រើនដល់អូនៗតូចផងដែរ។ កាន់តែពិសេសទៅទៀតនោះ សប្តាហ៍នេះកម្មវិធីថតនៅខាងក្រៅ នៅតាមសាលារៀន ដែលនឹងផ្តល់ឱកាសជូនដល់ប្អូនៗដែលមានភាពក្លាហាន ចូលរួមលេងហ្គេមសប្បាយៗដើម្បីទទួលយករង្វាន់ពីកម្មវិធី។ វត្តមានប្អូនប្រុស ហេង តុលា នឹងប្អូនស្រី សុខ សុជាតា នឹងចូលរួមលេងហ្គេមវគ្គទីមួយដែលហ្គេមនោះមានឈ្មោះថា ស្ទាប។ ចំណែកឯវគ្គទីពីរ ចូលរួមលេងដោយប្អូនប្រុស សារឿន គង្គា  នឹងប្អូនស្រី ឌឿក ស្រីលាភ ដែលនឹងលេងហ្គេមមានឈ្មោះថា ភ្លក់។ វគ្គទី៣ ចូលរួមលេងដោយប្អូនប្រុស ស៊ុន សេរីវឌ្ឍនៈ , ប្អូនប្រុស បញ្ញា ដាយុទ្ធ និងប្អូនប្រុស ផាន គីមឡុង នៅក្រុមទី១,  នឹងប្អូនប្រុស សុខ ពុធធាវត្តិ, ប្អូនប្រុស ម៉ា ផាន គីមឡុង និងប្អូនប្រុស ដែន សុវណ្ណតារា ក្រុមទី២ ហ្គេមនោះមានឈ្មោះថា ហ្គេម Angry Birds។

ប្អូនៗដែលចូលរួមលេងទាំងអស់ ត្រូវតែខិតខំប្រឹងប្រែងបញ្ចេញសមត្ថភាពព្រមទាំងចំណេះដឹងនឹងភាពឆ្លាតវៃដើម្បីយកជ័យជំនះព្រមទាំងទទួលបានរង្វាន់ជាច្រើនពីកម្មវិធីត្រលប់ទៅផ្ទះវិញ។ 

ចង់ជ្រាបកាន់តែច្បាស់ថាប្អូនៗដែលចូលរួមលេងហ្គេមទាំងអស់នឹងមានសមត្ថភាពអាចយករង្វាន់បានពីកម្មវិធីយ៉ាងណានោះ? សូមកុំភ្លេចរង់ចាំតាមដានទស្សនាការផ្សាយជូននៅលើកញ្ចក់ទូរទស្សន៍ភីអិនអិន ក្នុងកម្មវិធី «គ្រួសាររីករាយ» នៅថ្ងៃអាទិត្យ ទី២១ ខែ មេសា ឆ្នាំ ២០២៤ ចាប់ពីវេលាម៉ោង ១១ព្រឹកតទៅ៕ 
សូមទស្សនាវីដេអូខាងក្រោម៖

ដោយ៖ ស្រីមុំ