នៅយប់នេះទស្សនិកជននឹងបានទស្សនានូវឈុតឆាកពិសេសៗទៀតហើយជាមួយរឿងភាគថៃ ភ្លើងគំនុំ។ ឈុតឆាកពិសេសនោះគឺមឿនព្រែកំពុងតែរៀបយុទ្ធសាស្ត្រថ្មីដើម្បីសម្រេចផែនការ ដោយធ្វើខ្លួនអោយស្និទ្ធជាមួយកេងដែលជាកូនប្រុសរបស់ប្រាង។ តាមពិតទៅកេង បានលង់ស្រឡាញ់ ព្រែ យូរមកហើយ ព្រែក៏បានដឹងពីចេតនារបស់កេងដូចគ្នា ទើបបានជាយកកេងធ្វើជាធ្នាក់វៃបកទៅលើ ប្រាង ព្រោះដឹងថា ប្រាង ស្រឡាញ់កូនប្រុសខ្លួនខ្លាំងប៉ុណ្ណា។ 

ចំណែកឯ ភីថាន កំពុងតែលួចសង្ស័យពីរឿងព្រែលួចទាក់ទងជាមួយកេងដោយប្រើល្បិច ប៉ុន្តែនៅមិនទាន់មានភស្តុតាងបញ្ជាក់ច្បាស់នៅឡើយ។ ចុះបើសិនជាភីថានដឹងថាព្រែទាក់ទងជាមួយកេងព្រោះតែល្បិចនោះ នឹងមានរឿងអ្វីកើតឡើង? ចំណែកប្រាងនឹងមានអារម្មណ៍បែបណាបើសិនជាដឹងថាកូនប្រុសដែលខ្លួនខំហួងហែងទៅលួចទាក់ទងជាមួយសត្រូវខ្លួននោះ? កុំភ្លេចរង់ចាំតាមដានទស្សនារឿង ភ្លើងគំនុំ ចាក់ផ្សាយរៀងរាល់ចន្ទ ដល់ព្រហស្បតិ៍ វេលាម៉ោង ៩ យប់តទៅ នៅលើកញ្ចក់ ទូរទស្សន៍ភីអិនអិន ៕

ដោយ៖ ម៉ី វ៉ាន់ណែត