រហូតមកដល់ភាគនេះ រឿងភាគថៃ ចារនារីក្រែមក្រហម កាន់តែធ្វើអោយទស្សនិកជនជក់ចិត្តដិតអារម្មណ៍ហើយ ជក់ចិត្តត្រង់ថាតើគម្រោងការរបស់នាយប្រាកានដែលបានរៀបចំដោះដូរលុយជាមួយនឹងគ្រឿងញៀ.ននោះអាចសម្រេចបានឬក៏អត់? អ្វីដែលគួរអោយកាន់តែចាប់អារម្មណ៍ថែមទៀតនោះគឺនាយប្រាកានបានរៀបចំផែនការដើម្បីសម្លា.ប់ហ្វុនក្នុងពិធីបង្ហាញម៉ូតក្នុងសណ្ឋាគារថែមទៀតផង! 

ចំណែក ធីផាត់ និងក្រុមខ្លួន ក្រោយបានដឹងពីគម្រោងរបស់ ប្រាកាន ក៏បានរៀបចំផែនការដើម្បីរារាំង គម្រោងការរបស់នាយប្រាកាន ហើយក៏ដើម្បីប្រមូលភស្តុតាងបន្ថែមពីការដោះដូរគ្រឿងញៀនរបស់មេក្រុមសង្គមងងឹតនេះផងដែរ។ ដោយសារតែខ្លាចមានរឿងអាក្រក់កើតឡើងលើហ្វុន ប្រាវលី បានព្យាយាមមរារាំង ហ្វុន មិនអោយនាងដើរបង្ហាញម៉ូតលើឆាកឡើយ ខ្លាចមានគ្រោះថ្នាក់។ 

ក្នុងយុទ្ធនាការដ៏ធំមួយនេះ ធីផាត់ និង កន ដែលធ្លាប់ជាមិត្តភ័ក្តិជិតស្នទិ្ធនឹងគ្នា ហើយក្រោយមកក៏មានរឿងឈ្លោះប្រកែកគ្នានោះ ពេលនេះបានវិលមកសហការគ្នាឡើងវិញដើម្បីកម្ចាត់នាយប្រាកាន ក្រោយ កន បានដឹងថាគ្រប់យ៉ាងដែលធីបធ្វើគឺក្នុងបំណងដើម្បីកម្ចាត់ប្រាកានដែលបានសម្លា.ប់ប្អូនស្រីខ្លួន និងរារាំងការជួញដូរគ្រឿងញៀ.ន។ 

តើហ្វុនអាចគេចពីគ្រោះថ្នាក់នេះដែរទេ? តើគម្រោងការរបស់នាយប្រាកាននឹងទៅជាបែបណា? កុំភ្លេចរង់ចាំតាមដានទស្សនារឿង ចារនារីក្រែមក្រហម ចាក់ផ្សាយនៅរៀងរាល់ថ្ងៃចន្ទ ដល់ថ្ងៃព្រហស្បតិ៍ វេលាម៉ោង ១១ព្រឹកតទៅ នៅលើកញ្ចកទូរទស្សន៍ភីអិនអិន៕ 

ដោយ៖ ម៉ី វ៉ាន់ណែត