បន្ទាប់ពីរឿងភាគថៃ គ្រូពេទ្យថងឯក បានបញ្ចប់ទៅ រឿងភាគថៃថ្មីដែលនឹងចូលខ្លួនមកបន្ទាប់គឺរឿង ភ្លើងគំនុំ។ ចំពោះរឿងមួយនេះជឿជាក់ថាទស្សនិកជននឹងជក់ចិត្តជាមួយសាច់រឿងបែបគំនុំគុំគួនរវាងក្មួយស្រីនិងម្តាយមីង។ 

ចំពោះតួសម្តែងក្នុងរឿងនេះមានដូចជា លោក ណាផាត់ សម្តែងជាតួ ភីថន កញ្ញា តែវ សម្តែងជាតួ ព្រែ កញ្ញា អេវ សម្តែងជាតួប្រាង លោក ភូស សម្តែងជាតួ ណុប និង លោក ភុនចាន់ សម្តែងជាតួ ផុកខៃ រួមជាមួយតារាប្រុសស្រីល្បីៗជាច្រើនរូបទៀត។ 

ភ្លើងគំនុំ គឺជាខ្សែរឿងបង្ហាញពីក្រុមគ្រួសារមួយដែលដណ្តើមទ្រព្យគ្នា! នាង ព្រែ គឺជាកូនស្រីកើតក្នុងគ្រួសារអ្នកមានទ្រព្យសម្បត្តិម្នាក់។ បន្ទាប់ពីលោកប៉ានាងបានស្លាប់ទៅទ្រព្យសម្បត្តិទាំងអស់ត្រូវបានមីងបង្កើតរបស់ខ្លួនយកធ្វើជាកម្មសិទ្ធ មិនត្រឹមតែប៉ុណ្ណោះ នាងព្រែថែមទាំងត្រូវបានមីងបង្កើត និងមនុស្សប្រុសដែលនាងស្រឡាញ់លួចក្បត់ពីក្រោយខ្នងថែមទៀតផង។ រឿងនេះបានធ្វើអោយនាងមានការឈឺចាប់ជាខ្លាំង និងតាំងចិត្តថានឹងដណ្តើមយកទ្រព្យសម្បត្តិរបស់លោកប៉ានាងមកវិញនៅថ្ងៃណាមួយ។ 

តើដំណើរសាច់រឿងបែបសងសឹករវាងមីងនិងក្មួយស្រីនឹងទៅជាបែបណា? កុំភ្លេចរង់ចាំតាមដានទស្សនារឿង ភ្លើងគំនុំ ចាក់ផ្សាយចាប់ពីយប់នេះទៅហើយ វេលាម៉ោង៩ ដល់ម៉ោង ១០យប់ នៅលើកញ្ចក់ ទូរទស្សន៍ភីអិនអិន តែមួយប៉ុណ្ណោះ៕ 
ទស្សនាវីដេអូខ្លីសូមចុច៖ 

ដោយ៖ ម៉ី វ៉ាន់ណែត