កម្មវិធី Freshy Winner តែងតែពាំនាំនូវផ្ទាំងទស្សនីយ៍ភាពយ៉ាងសប្បាយរីករាយ មកចែកជូនទស្សនិកជន ក៏ដូចជាហ្វេនៗ ទស្សនាបំបាត់នូវភាពតានតឹងពីការងារទាំងឡាយ។ ដោយឡែកសប្តាហ៍នេះកាន់តែពិសេស កម្មវិធីបានរៀបចំឆាកយ៉ាងស្រស់ស្អាត រំលេចពណ៍ក្រហមយ៉ាងស្រស់ឆើតឆាយ តាមរដូវកាល បុណ្យចូលឆ្នាំចិន ចំណែកឯការស្លៀកពាក់របស់ពិធីការនី និងពិធីករ ព្រមទាំងតារាកិត្តិយសទាំងអស់ រំលេចពណ៍ក្រហមស្រស់ តាមបែបចិនបុរាណ មើលទៅពិតជាមានភាពទាក់ទាញ នឹងធ្វើអោយអារម្មណ៍របស់ទស្សនិកជនស្រស់ស្រាយ មិនមានភាពធុញទ្រាន់នោះឡើយ។ ចំពោះវត្តមានតារាកិត្តិយសនាសប្តាហ៍នេះ សុទ្ធតែជាតារាល្បី ពិធីករ ពិធីការនីដ៏ឆ្នើម ដែលកំពុងតែល្បីល្បាញនាពេលបច្ចុប្បន្ននេះ ទស្សនិកជន ក៏ដូចជាហ្វេនៗបានស្គាល់រួចមកហើយ នោះគឺ  លោក  ងួន សុបិន្ត នឹងចាប់ដៃគូរជាមួយ កញ្ញា  រ៉ូលីន នៅក្នុងក្រុម (ទឹកត្រឡាច) ដែលនឹងប្រជែងដណ្តើមយករង្វាន់ប្រាក់លានជាមួយក្រុម នាយ ព្រែក ដែលចាប់ដៃគូរជាមួយ កញ្ញា សុភក្រ័ កុសុម៉ា នៅក្នុងក្រុម (តែទឹកឃ្មុំ)។ 

បេក្ខជនទាំងពីរក្រុម ត្រូវឆ្លងកាត់វិញ្ញារដែលកម្មវិធីបានរៀបចំជូនរួចជាស្រេច ដែលក្នុងហ្គេមទំាងអស់រួមមាន ៖ ហ្គេមទី១ ប៉ាវវៃ , ហ្គេមទី២ ហាមសើច, ហ្គេមទី៣ ពន្យល់ពាក្យ នឹងហ្គេមទី៤ ចម្រៀងសម្លេងអេសអេស។ ហ្គេមទាំងបួននេះតម្រូវអោយបេក្ខជនទាំងពីរក្រុម បង្ហាញពីភាពឆ្លាតវៃ រហ័សរហួន នឹងទេព្យកោសល្យ ដើម្បីទទួលបានជ័យជំនះយកប្រាក់លានពីកម្មវិធី។ 

ទន្ទឹមនឹងការលេងហ្គេមដណ្តើមយកប្រាក់លានក្នុងនោះដែរពីកម្មវិធីនៅផ្តល់ជូនសំណើចសើចសប្បាយ ជាមួយនឹងភាពកំប្លុកកំប្លែង ក្រមិចក្រមើម ក្លែមជាមួយនឹងពាក្យសំដីផ្លែផ្កា ឌឺដងបញ្ចើចបញ្ចើរ កាន់តែញុំាងអោយកម្មវិធីមានភាពរស់រវើក នឹងមិនធ្វើអោយទស្សនិកជនមានអារម្មណ៍ធុញទ្រាន់អំឡុងពេលទស្សនានោះឡើយ។

ចង់ដឹងថា តើទាំងពីរក្រុមនឹងត្រូវឆ្លងកាត់វិញ្ញាសារយ៉ាងណាខ្លះ? សូមកុំភ្លេចរង់ចាំទស្សនាក្មុងកម្មវិធី Freshy Winner ដែលនឹងចាក់ផ្សាយនៅលើកញ្ចក់ទូរទស្សន៍ ភីអិនអិន នៅថ្ងៃ សៅរ៍ ទី១០ ខែកុម្ភៈ ឆ្នាំ២០២៤ វេលាម៉ោង ៧យប់តទៅ៕ 
នាំមកជូនជាពិសេសផ្តាច់មុខដោយ ទឹកផ្លែឈើ Freshy ពីផ្លែឈើពិត ១០០% ។
សូមទស្សនាវីដេអូខាងក្រោម៖

ដោយ៖ ស្រីមុំ