នាយ គ្រឿន , ឌីជេ កាកា , ពូ ណុយ ,កញ្ញា រ៉ូលីន , អ្នកនាង ខាត់ សុឃីម និង អ្នកនាង អ៊ីត នឹងមកបើកឆាកដំបូង Idol Fun House របស់ទូរទស្សន៍ ភីអិនអិន នៅចុងសប្តាហ៍នេះ ដើម្បីប្រជែងគ្នាដណ្ដើមប្រាក់លានពីកម្មវិធីដ៏ថ្មីសន្លាង និងជក់ចិត្តមួយនេះ។

Idol Fun House ជាកម្មវិធីកម្សាន្តថ្មីមួយរបស់ទូរទស្សន៍ ភីអិនអិន ដែលនឹងចាកផ្សាយដំបូងនៅក្នុងថ្ងៃសៅរ៍ទី ០៣ ខែ កុម្ភៈ ឆ្នាំ ២០២៤។ កម្មវិធីនេះក្រៅពីផ្តល់សំណើច ក៏បានផ្តល់ចំណេះដឹងដល់អ្នកទស្សនាផងដែរ ជាពិសេស ឆាកថ្មី ប្លែកដ៏ទាក់ទាញ ដែលរៀបចំឡើងដោយក្រុមការងារ PNN  នឹងមិនធ្វើឱ្យទស្សនិកជនខកបំណងឡើយ ។ 

តារាល្បីៗទាំង ៦ដួងខាងលើនឹងមកបើកឆាក Idol Fun House ដំបូងគេ ដើម្បីដណ្តើមយកប្រាក់រង្វាន់ចំនួន ១ ពាន់ដុល្លារ ស្មើនិង ៤ លានរៀល។ តារាកិត្តិយសទាំង ៦ រូបនេះ បានត្រៀមខ្លួនរួចជាស្រេចដើម្បីដណ្តើមយកជ័យជំនះ មិនថាលទ្ធផលយ៉ាងណា ម្នាក់ៗបានបង្ហាញនូវអារម្មណ៍រីករាយដែលបានចូលរួមលេងកម្សាន្តជាមួយកម្មវិធីថ្មីរបស់ ទូរទស្សន៍ ភីអិនអិន ។

ក្រៅពីតារាកិត្តិយសទាំង ៦ រូប នេះ ក៏មានគណកម្មការ ឬ ប្រធានក្រុមចំនួន ៣ រូប ដូចជា លោក ងួន សុបិន , អ្នកនាង កាតុ និង នាយ ពែកមី ដែលនឹងអង្រួញឆាក Idol Fun House ឱ្យកាន់តែកក្រើក ។ ជាពិសេសវត្តមានពិធីករ ពិធីការិនី ចំនួន ២ រូបល្បីឈ្មោះប្រចាំនៅទូរទស្សន៍ ភីអិនអិន គឺ កញ្ញា ពេជ្រ ច័ន្ទធីតា និង លោក យារ៉ូ នឹងមកបង្កបរិយាកាសក្នុងកម្មវិធីឱ្យកាន់តែសប្បាយរីករាយ ។ 

សូមបញ្ជាក់ថា វិធី «Idol Fun House» នឹងចាក់ផ្សាយលើកញ្ចក់ទូរទស្សន៍ PNN នាថ្ងៃសៅរ៍ទី៣ ខែកុម្ភៈ ឆ្នាំ២០២៤ ចុងសប្ដាហ៍នេះ ចាប់ពីម៉ោង៥ល្ងាច តទៅ នៅលើកញ្ចក់ទូរទស្សន៍ PNN និងតាមរយៈហ្វេសបុកផេក Idol Fun House។ កុំភ្លេចរង់ចាំទស្សនា ថាតើសប្តាហ៍ដំបូងនេះ តារាកិត្តិយសរូបណា នឹងទទួលបានប្រាក់លានពីកម្មវិធី។

-IDOL ឆ្ងាញ់ ស្អាត iconfident ចង់ស្អាត ឡូយ ជឿជាក់ ដូច IDOL ញុំា IDOL
-ស្រាបៀរ GANZBERG ផលិតដោយអ្នកជំនាញអាល្លឺម៉ង់ ឈ្ងុយឆ្ងាញ់កម្រិតពិភពលោក 
-តែទឹកឃ្មុំ Freshy ទាំងឆ្ងាញ់ ទាំងអនាម័យ លើសពីតែជ្រក់ធម្មតា
-BOOSTRONG POWER PLUS. POWER TO WIN! ឆ្ងាញ់ខ្លាំង ស្វាងចែស៕

សូមទស្សនាវីដេអូខាងក្រោម៖ 

ដោយ៖ អ៊ីង សូឡា