ស្នេហាលួចលាក់ មិនត្រឹមត្រូវ ប្តីក្បត់ចិត្តប្រពន្ធទៅមានស្រីផ្សេង ហើយធ្វើរឿងបំភាន់ភ្នែកជាច្រើន ដើម្បីបិទបាំងភ្នែកមនុស្សនៅជុំវិញខ្លួននោះ ជារឿងអសីលធម៌ និងបាបកម្ម ចំពោះអ្នកធ្វើ។ ទោះជាយ៉ាងណា តណ្ហា បានគ្រប់ដណ្តប់ទៅលើចិត្តរបស់ហ្វីឌែល និងរ៉ូសទៅហើយ ដែលពួកគេ នៅតែជម្នះចិត្តធ្វើ បើទោះបីជាដឹងថា រឿងនេះវាមិនល្អក៏ដោយ។ 

ដួង ដែលជាមនុស្សម្នាក់ មានចិត្តស្អាតបរិសុទ្ធចំពោះរ៉ូស ហើយក៏មិនចង់ឃើញមនុស្សដែលខ្លួនស្រឡាញ់រងទុក្ខវេទនា ត្រូវវវេចបង្វេច រត់គេចពីកន្លែងមួយទៅកន្លែងមួយយ៉ាងដូច្នោះដែរ។ ក្រោយពីបានដឹងថា ឆោមយ៉ង់ បាននាំសីម៉ា មកកាន់ខនដូរមួយកន្លែង ដែលហ្វីឌែលបានទិញឲ្យរ៉ូស និងសាន់ រស់នៅធ្វើជាប្តីប្រពន្ធក្លែងក្លាយនោះ ដួង ក៏បានអោយដំណឹងនេះទៅ ហ្វីឌែល ដើម្បីធ្វើយ៉ាងណា ទប់ស្កាត់សីម៉ា និងឆោមយ៉ង់ ទាន់ពេលវេលា។ 

ផែនការ ត្រូវបានសម្រេច បន្ទាប់ពីឆោមយ៉ង់ និងសីម៉ាទៅដល់ខនដូរ គ្រប់យ៉ាង ដូចជាគ្មានអ្វីប្រែប្រែ ដោយដួងបានប្រាប់ទៅអ្នកទាំងពីរ ពីដំណើរកម្សាន្តរបស់ រ៉ូស និងសាន់ទៅវិញ។ ឆោមយ៉ង់ នៅតែមិនជឿថា អ្វីដែលខ្លួនបានគិត វាបែរទៅជាបែបនេះណា ហើយឆោម នៅតែជំរុញឲ្យសីម៉ា ដាច់ខាតត្រូវតែ សើប ស្វែងរកភស្តុតាង ដើម្បីចាប់កំហុស ហ្វីឌែល និង រ៉ូស ឲ្យទាល់តែបាន។ 

តើដំណើរសាច់រឿង នៅភាគបន្ទាប់ទៀត ដួងអាចនឹងជួយរ៉ូស ឲ្យរួចផុតពីកណ្តាប់ដៃ ប្រពន្ធដើម បានឬយ៉ាងណា? សូមរង់ចាំទស្សនាភាគបន្តនៅក្នុងរឿង «ស្នេហា Cover »មានផ្សាយជូនទស្សនានៅលើកញ្ចក់ទូរទស្សន៍ភីអិនអិន ចាប់ពីថ្ងៃ ចន្ទ ដល់ព្រហស្បតិ៍ វេលាម៉ោង ០៧ យប់តទៅ៕ 
សូមទស្សនាវីដេអូខាងក្រោម៖ 

ដោយ៖ សិរីរដ្ឋ