ការប្រកួត Ganzberg ONE Strike  នៅសប្ដាហ៍នេះនៅតែបន្តមានការប្រកួតជក់ចិត្តជាមួយការប្រកួតសងសឹកនឹងការប្រកួតពីកីឡាករគុនខ្មែរល្បីៗនៅលើសង្វៀន ខណៈដែរនៅចុងសប្ដាហ៍នេះវិញ សង្វៀនគុនខ្មែររបស់ទូរទស្សន៍ភីអិនអិននៅតែបន្តរកំដរអារម្មណ៍ប្រិយមិត្តដោយបានសម្រិតយកគូរប្រកួតលក្ខណៈមិត្តភាពអន្តរជាតិ ២គូរ ដណ្ដើមប្រាក់១លានរៀលពីសា្របៀហ្គេនបឺគ និងអមដោយគូមិត្តភាព ៣គូរ ។

ប៊ុន សុធា ប៉ះ កថារីត ដែលអ្នកទាំងពីរនឹងត្រូវជួបប្រកួតគ្នា លើលក្ខន្តិកៈ ONE Strike ដោយប្រើប្រាស់ហ្គង់MMA ដើម្បីដណ្ដើមប្រាក់រង្វាន់ ១លានរៀលបន្ថែមពី ស្រាបៀរ ហ្គេនស៍បឺគ។

ចំណែកឯការប្រកួតលក្ខណៈមិត្តភាពអន្តរជាតិ ដើម្បីដណ្ដើមប្រាក់រង្វាន់ ១លានរៀល១គូរទៀត គឺសូត្រ វាសនាចូលខ្លួនមកប្រកួតតតាំងជាមួយអ្នកប្រដាល់ ឃុំផេតឡេក ជាមួយគ្នានោះផងដែរ សង្វៀនគុនខ្មែរ  Ganzberg ONE Strike របស់ភីអីនអិន ក៏មានការប្រកួតកីឡាករខ្មែរ ៦រូបផ្សេងទៀត ដើម្បីឡើងប្រកួតប្រជែងល្បងស្នៀតប្រយុទ្ធគ្នានឹងលើកស្ទួយ ដែលមានដូចជា អេ ហនុមាន ប៉ះ សេក សារ៉ាន់ ហើយ ឡៅ ប៊ុនហេង ប៉ះ មិត រមលីខណៈមួយគូរទៀតគឺ រឿង ប៊ុនតុង ជួប ភាព ចិន។

សូមប្រិយមិត្តចូលរួមធ្វើជាសាក្សីនៃការប្រកួតដ៏កក្រើកអស្ចារ្យនេះ ដែលមានផ្សាយផ្ទាល់រៀងរាល់ថ្ងៃ អាទិត្យ លើកញ្ចក់ទូរទស្សន៍ ភីអិនអិន និង ផេកហ្វេសប៊ុក PNN Sports ចាប់ពីវេលាម៉ោង១រសៀលតទៅ៕

ដោយ៖ សំណាង