បន្តចូលមកដល់សប្តាហ៍ថ្មី នៃល្ងាចថ្ងៃអាទិត្យនេះដែរ ពី កម្មវិធីហ្គេមដ៏ធំរបស់ស្ថានីយទូរទស្សន៍ភីអិនអិន  Lucky Game នឹងធ្វើការផ្សាយជូន ជាមួយផ្ទាំងទស្សនីយភាពពីតារាកិត្តយស ទាំង ៩ ដួង ជាបន្តទៀត ។ ក្នុងនោះ ក៏នឹងមានការចូលរួមពីវត្តមាន តារាសម្តែង តារាចម្រៀង  បុគ្គលល្បីៗក្នុងព្រះរាជាណាចក្រកម្ពុជាផងដែរ ដែលពួកគាត់មិនត្រឹមតែបង្ហាញពីភាពទាក់ទាញបែបសិល្បៈប៉ុណ្ណោះទេ ថែមទាំង ធ្វើឲ្យទស្សនិកជន ភ្លេចអស់ទុក្ខកង្វល់ ជាមួយនឹងការផ្សងសំណាងយកលេខហេង ហេងទាំងអស់គ្នាផងដែរ។ 

យ៉ាងណាមិញ ម្នាក់ ក្នុងចំណោម តារាកិត្តិយស ទាំង ៩ រូប ទស្សនិកជន ក៏ដូចជាហ្វេនៗ ប្រហែលជាធ្លាប់បានស្គាល់គាត់ច្បាស់រួចមកហើយ ពីទេពកោសល្យសិល្បៈរបស់គាត់ ដែលត្រូវបានទទួលការគាំទ្រខ្លាំងនៅលើបណ្តាញសង្គម។ នោះគឺ លោក អេឡិច ហ្សូរ៉ា ដែលនឹងចូលមកបង្ហាញវត្តមាន ដោយផ្សងយកលេខសំណាង ពីតារាទាំង ៨ដួង  ដែលរួមមានដូចជា៖ លោក ហេង គីម, លោក ឈិន ជិនឆាយ, កញ្ញា អាង សុជាត, លោក ហន គីមធាន,អ្នកនាង ផាភួង, កញ្ញា ហេង បូនីកា, កញ្ញា លី វួចលាង នឹង លោក ពុទ្ធិស័ក្ក។ 

ក្នុងនោះ ពីកម្មវិធី ក៏នឹងតម្រូវ ឲ្យតារាកិត្តិយស ក៏ដូចជាបេក្ខជន នីមួយៗ ត្រូវជ្រើសរើស យកលេខក្នុងប្រអប់ ដែលកម្មវិធីបានរៀបចំជូន ដោយឆ្លងកាត់ ហ្គេមរហូតដល់ទៅ ៩ហ្គេម ។ តារាកិត្តិយសរបស់យើង អាស្រ័យទៅលើសំណាងគួបផ្សំផងដែរ ថាអាចនឹងមានឱកាសឈានទៅដល់ វគ្គចុងក្រោយ នៃកម្មវិធីឬយ៉ាងណា ដែលនោះតម្រូវឲ្យ រើសយកអប់ចំនួនពីរក្នុងចំណោមប្រអប់ទាំង៩ នៅ វគ្គ Jack Pot ដែលជាវគ្គទទួលបាននូវប្រាក់រង្វាន់ជាច្រើន។ 

ចង់ដឹងទេថា តើរវាងតារាប្រុសកំប្លែងស្ងួត លោក អេឡិចហ្សូរ៉ា នឹងមានសំណាងជាងតារាទាំងប្រាំបីដួងទៀត ឬមួយអាចត្រលប់ទៅផ្ទះមុខគេ?សូមរងចាំទស្សនាការផ្សាយជូននៅលើកញ្ចក់ទូរទស្សន៍ភីអិនអិន ក្នុងកម្មវិធី (Lucky Game)នៅថ្ងៃអាទិត្យ ទី១៩ ខែវិច្ឆិកា ឆ្នាំ២០២៣ ចាប់ពីវេលាម៉ោង ០៦ល្ងាចតទៅ៕

ទស្សនាវីដេអូខ្លីសូមចុច៖

ដោយ៖ ស្រីមុំ