ហ្គេមសប្បាយៗ ពីកម្មវិធីកម្សាន្តរបស់កុមារដ៏ធំប្រចាំស្ថានីយទូរទស្សន៍ភីអិនអិន បានវិលត្រឡប់មកជួបទស្សនិកជន ហ្វេនៗ អូនតូចៗវិញហើយ ដោយសប្តាហ៍ថ្មីនេះដែរ អូនៗ នឹងប្លែកអារម្មណ៍ ជាមួយនឹងផ្ទាំងទស្សនីយភាពពីកម្មវិធីកម្សាន្ត នៅក្នុងសួនសត្វ ភ្នំពេញសាហ្វារីវិញម្តង។ 
វត្តមាន របស់ប្អូនប្រុស ម៉េង ភារៈយុទ្ធ ដែលទើបតែ អាយុ ៨ឆ្នាំ ពិតជាមិនគួរឲ្យជឿថា ប្អូនមានភាពក្លាហាន ហ៊ានចូលរួមលេងហ្គេមៗ ប្រលងសមត្ថភាព យករង្វាន់ពីកម្មវិធី ជាមួយនឹងសត្វទាំងបីប្រភេទនេះសោះ។ ក្នុងនោះ ប្រុសយុទ្ធ នឹងត្រូវឆ្លងកាត់វិញ្ញាសារ រហូតដល់ទៅ ៣ រួមមានដូចជា៖ លេងបង្វិលកង ជាមួយនឹងសត្វស្វាឪ ,លេងប្រណាំងជាមួយនឹងសត្វទន្សាយ និងលេងជាមួយនឹងសត្វពពែ ។

 
នៅក្នុងការបង្ហាញសមត្ថភាពពិសេសជាមួយសត្វទាំងបីប្រភេទខាងលើនេះ ប្រុសយុទ្ធ នឹងធ្វើយ៉ាងណា បញ្ចេញភាពវៃឆ្លាតរបស់ខ្លួន ដើម្បីជួយជាចម្លើយទៅដល់ អ្នកម៉ាក់ លោកប៉ា ដែលមានវត្តមានចូលរួមលេងហ្គេមជាមួយខ្លួនផងដែរ។ អ្នកម៉ាក់ លោកប៉ា ត្រូវ យកចិត្តទុកដាក់ ស្តាប់ការពន្យល់ពីប្រុសយុទ្ធ ដោយប្រើរយៈពេលទៅតាមកម្មវិធីបានកំណត់ ហើយឆ្លើយនូវឈ្មោះសត្វទាំងអស់នោះឲ្យបានត្រឹមត្រូវ ថាជាសត្វអ្វី? 

ចង់ដឹងទេថា តើប្អូនប្រុស ភារៈយុទ្ធ នឹងចាប់ដៃអ្នកម៉ាក់ លោកប៉ា ប្រឹងប្រែង យករង្វាន់ធំពីកម្មវិធីជាមួយនឹងសត្វដ៏គួរឲ្យស្រឡាញ់ទាំងបីប្រភេទនេះ បានឬយ៉ាងណានោះ? សូមកុំភ្លេចរង់ចាំទស្សនាការផ្សាយជូននៅលើកញ្ចក់ទូរទស្សន៍ភីអិនអិន នៅថ្ងៃអាទិត្យ ទី ១៩ ខែ វិច្ឆិកា ឆ្នាំ ២០២៣ ចាប់ពីវេលាម៉ោង ១១ ព្រឹកតទៅ៕ 

សូមទស្សនាវីដេអូខាងក្រោម៖

ដោយ៖ ស្រីមុំ