ក្រោយពីមានពួកជនអាក្រក់ៗ ចូលមកនៅក្នុងភូមិតាចេក យាយផ្អក អសន្តិសុខ ចាប់ផ្តើមកើតឡើងជាហូរហែរ។ គ្រឿងញៀន ការកាប់សម្លាប់ និងអំពើឆបោក កើតមានទៅលើអ្នកភូមិ ដែលនេះជាសកម្មភាពមួយផ្តល់នូវហានីភ័យដល់អាយុជីវិតអ្នកស្រុកយ៉ាងខ្លាំង។ 
យុទ្ធ និងថៅកែផេន ដែលជាឪពុកកូន បានឆ្លៀតឱកាស ចូលខ្លួនទៅក្នុងភូមិតាចេក យាយផ្អក ដើម្បីកេងយកផលចំណេញ ផលប្រយោជន៍របស់ខ្លួន ដោយមិនខ្វល់ពីទុក្ខលំបាករបស់អ្នកស្រុក។ ងាយទៅគ្រួសាររបស់ ប្រហុក និងស័ក្កិឯណោះវិញ បើទោះបីជាកំពុងតែមានបញ្ហាប្តីប្រពន្ធយ៉ាងណា ក៏ពួកគេនៅតែមានឆន្ទៈក្នុងការការពារភូមិស្រុកឲ្យមានសុវត្ថិភាពផងដែរ។

នាងប្រហុក បានដឹងថា យុទ្ធ ចង់ត្រឡប់មករកខ្លួនវិញ ក៏ធ្វើជាងាកមកស្រឡាញ់គ្នា ហើយចង់ដោះដៃពីស័ក្កិជាប្តី។ យុទ្ធ យល់ថា ប្រហុក ចង់បានខ្លួនធ្វើជាប្តី ក៏លួចបង្ហើបប្រាប់ពីការសម្ងាត់ខ្លះៗនៃការរកស៊ីរបស់ឪពុកខ្លួនឲ្យប្រហុកបានដឹង។ 

ស័ក្កិ ព្រោះតែតួនាទី ហើយត្រូវចាប់ខ្លួនក្រុមមនុស្សអាក្រក់អស់ទាំងនេះ មានតែបង្ខំចិត្តឲ្យប្រហុកប្រពន្ធខ្លួន ធ្វើតាមផែនការមួយនេះសិន។ តើដំណើរសាច់រឿង នៅសប្តាហ៍ក្រោយ នឹងល្អមើលជក់ចិត្តយ៉ាងណានោះ? សូមបន្តរង់ចាំទស្សនាភាគបន្តនៅក្នុងរឿង «ប្រហុកស្រែស្នេហ៍ខ្ញុំ» មានផ្សាយជូនទស្សនានៅលើកញ្ចក់ទូរទស្សន៍ភីអិនអិន ចាប់ពីថ្ងៃចន្ទ ដល់ព្រហស្បតិ៍ វេលាម៉ោង ០៨ យប់តទៅ៕ 

សូមទស្សនាវីដេអូខាងក្រោម៖

ដោយ៖ សិរីរដ្ឋ