វត្តមានតារាចម្រៀងសំលេងធ្ងន់ជាកិត្តិយសពិសេសកញ្ញា ឈិន រតនៈ ប៉ះតារាកិត្តិយសបីដួងទៀតនឹងមកធ្វើអោយកម្មវិធីកាន់តែសប្បាយរីករាយ តាមរយៈការលេងហ្គេមគួបផ្សំជាមួយការបញ្ចេញសំនៀងយ៉ាងពិរោះ។ តារាកិត្តិយសបីដួង ដែលត្រូវឡើងមកប្រកួតប្រជែងគ្នា ដើម្បីបានឆ្លងទៅកាន់វគ្គច្រៀងជាមួយកញ្ញា ឈិន រតនៈ នោះមានដូចជាលោក រិន ឆានី, កញ្ញា ដា អារីយ៉ា និងកញ្ញា លាង សីហា។

កាន់តែប្លែកជាមួយវវត្តមានរបស់គណៈកម្មការទាំងបីដួងនៅក្នុងសប្តាហ៍នេះមានដូចជា លោក ពាក់មី, ពូណុយ និងលោក សុបិន ដែលតែងតែនាំមកនូវសំណើចដល់អ្នកទស្សនាគ្រប់ពេល តាមរយៈការប្រើប្រាស់ពាក្យសម្តីបែបកំប្លុកកំប្លែង បន្ថែមជាមួយការប្រណាំងប្រជែង ដណ្តើមកូនក្រុមរៀងៗខ្លួន ធ្វើអោយកម្មវិធីកាន់តែរីករាយ។ ជាពិសេសនោះ សប្តាហ៍នេះ​ការលេងហ្គេមប្លែកៗខុសពីសប្តាហ៍មុនៗទៀតផង។

ចង់ដឹងថា សប្តាហ៍នេះ សប្បាយយ៉ាងណានោះ? សូមកុំភ្លេចរងចាំទស្សនានៅក្នុងកម្មវិធី «I Dare You To Sing» ដែលនឹងមានផ្សាយជូនទស្សនានៅថ្ងៃ អាទិត្យ ទី ១៧ ខែ កញ្ញា វេលាម៉ោង ៨ យប់តទៅនៅលើកញ្ចក់ទូរទស្សន៍ ភីអិនអិន៕

ទស្សនាវីឌីអូខាងក្រោម៖

ដោយ៖ សុវណ្ណនី