អេនជី គឺជាតារាចម្រៀងជើងចាស់មានភាពល្បីល្បាញ ដោយសារទឹកដមសំលេង ទាំងការសម្តែង និងសម្រស់ស្រស់ស្អាត អាចទាក់យកបេះដូងយុវវ័យបាន ទោះបីជាមកដល់បច្ចុប្បន្ននេះ អ្នកនាង អេនជី បានឈប់ពីសិល្បៈមកប្រកបរបរកស៊ីលក់ផលិតផលទៅហើយក្តី ក៏នៅតែមានហ្វេនៗទទូចសុំអោយអតីតតារាចម្រៀងរូបនេះវិលត្រឡប់ចូលសិល្បៈវិញ។

នៅក្នុងសប្តាហ៍នេះដែរ អ្នកនាង អេនជី បានរៀបរាប់ពីភាពខុសគ្នារវាងការរកស៊ី និងការប្រឡូកក្នុងសិល្បៈផងដែរ។ អេនជី រៀបរាប់ថា ការងារសិល្បៈទោះបីជាហត់ ប៉ុន្តែសប្បាយ មិនដូចជាការរកស៊ីនោះទេ ហត់ហើយថែមទាំងស្មុគស្មាញ និងគិតច្រើន ប៉ុន្តែក៏ជ្រើសរើសយកប្រកបមុខរបររកស៊ីវិញ ដោយសារតែត្រូវសាងគ្រួសារ ទើបមិនអាចប្រឡូកសិល្បៈបានពេញលេញ។

ក្រៅពីនេះ អ្នកនាង អេនជី ក៏បានបង្ហើបថា អ្នកនាងបានត្រៀមចេញបទចម្រៀងថ្មី ជូនដល់ហ្វេនៗរបស់ខ្លួន ដែលទន្ទឹងរងចាំ អេនជី ត្រឡប់ចូលសិល្បៈវិញ ទោះបីជាមិនអាចប្រឡូកក្នុងសិល្បៈវិញបានពេញលេញក៏ដោយ។ សូមកុំភ្លេចរង់ចាំតាមដានទស្សនាក្នុងកម្មវិធី «អ្នកជិតខាង» នៅថ្ងៃ សុក្រ ទី ០២ ខែ មិថុនា ឆ្នាំ ២០២៣ វេលាម៉ោង ៩:០០ យប់តទៅ នៅលើកញ្ចក់ទូរទស្សន៍ ភីអិនអិន និង App PNN Plus៕

ទស្សនាវីឌីអូខាងក្រោម៖

ដោយ៖ សុវណ្ណនី