កម្មវិធី The Wall Song Cambodia សប្ដាហ៍នេះធានាថានឹងធ្វើឱ្យទស្សនិកជនជក់ចិត្តប្លែកអារម្មណ៍ជាក់ជាមិនខានជាមួយវត្តមានតារាកិត្តិយស និងតារាក្រោយជញ្ជាំងដែលមានវោហាស័ព្ទចាក់ទឹកមិនលេច។ ពីមួយសប្ដាហ៍ទៅមួយសប្ដាហ៍កម្មវិធី The Wall Song Cambodia ទទួលបានការគាំទ្រ និងចាប់អារម្មណ៍ជាខ្លាំងពីទស្សនិកជន ទាំងអ្នកទស្សនាលើកញ្ចក់ទូរទស្សន៍ផ្ទាល់ និងការទស្សនាតាមបណ្ដាញសង្គម ដែលកម្មវិធីតែងតែពាំនាំតារាកិត្តិយស និងតារាក្រោយជញ្ជាំងជាទីចំណាប់អារម្មណ៍របស់មហានជន។

 សម្រាប់សប្ដាហ៍នេះទស្សនិកជនឹងកាន់តែប្លែកថែមទៀត ឬអាចនឹងនឹកស្មានមិនដល់ជាមួយវត្តមានទាំងតារាកិត្តិយស និងតារាក្រោយជញ្ជាំងដែលពួកគេសុទ្ធសឹងតែជាតារាកំពុងពេញនិយមសម្រាប់ប្រិយមិត្ត។ នៅថ្ងៃសៅរ៍ទី២៧ ខែឧសភា ឆ្នាំ២០២៣  វត្តមានតារាកិតិ្តយស ចំនួន ៣រូប ដែលកំពុងទទួលការគាំទ្រពីទស្សនិកជន នឹងមកច្រៀងរួមគ្នាលើឆាកតែមួយនៃកម្មវិធី The Wall Song Cambodia ជាមួយតារាក្រោយជញ្ជាំង៣រូបផ្សេងទៀត ហើយជឿថាទស្សនិកជនប្រាកដជានឹកប្លែកអារម្មណ៍។

តារាកិត្តិយសទាំង៣រូបសម្រាប់សប្ដាហ៍ថ្មីនេះមានដូចជាលោក សុខ រក្សា កញ្ញា តាក់ ម៉ា និងកញ្ញា យេ យេ។ ទស្សនិកជនអាចនឹងភ្ញាក់ផ្អើល ជាមួយតារាក្រោយជញ្ជាំងដោយពួកគេមិនត្រឹមតែជាតារាមានឈ្មោះល្បីខ្លាំងប៉ុណ្ណោះទេ ថែមទាំងមានទេពកោសល្យផ្សេងៗថែមទៀតផង។

តារាកិត្តិយស និងតារាក្រោយជញ្ជាំងទាំង៦រូបនឹងមកជួបជុំគ្នានៅថ្ងៃសៅរ៍ចុងសប្ដាហ៍នេះជាមួយបទចម្រៀង ការទស្សយ៍ទាយ រួមនឹងសកម្មភាពផ្សេងៗទៀតដើម្បីញាំងឱ្យបរិយាកាសនៃកម្មវិធីនេះកាន់តែសប្បាយរីករាយសម្រាប់អ្នកតាមដានទស្សនា។ ចង់ដឹងថាតើតារាអាថ៌កំបាំងទាំងបីដួងនៅក្នុងកម្មវិធី The Wall Song Cambodia សបា្តហ៍ទីនេះ ជាតារារូបណា ហើយក្នុងចំណោមតារាកិត្តិយសទាំងបី តារារូបណាដែលអាចទាយត្រូវដៃគូរបស់ខ្លួន។

ដូច្នេះសូមកុំភ្លេចរង់ចាំទស្សនាកម្មវិធី The Wall Song Cambodia  ដែលនឹងចាក់បញ្ចាំងនៅលើកកញ្ចក់ ទូរទស្សន៍ភីអិនអិន នៅ ថ្ងៃរ៍សៅទី២៧ ខែឧសភា ឆ្នាំ២០២៣ ចុងសប្ដាហ៍នេះ វេលាម៉ោង ៨យប់ដល់ម៉ោង ៩យប់ ៕ 
 

ទស្សនាវីដេអូខ្លីសូមចុច៖

ដោយ៖ អុីង សុឡា