ក្រោយ ភីមប្រាក់កា បានស្លាប់រឿងគ្រប់យ៉ាងក៏ត្រូវបានបញ្ចប់ដោយ ប៉ារីឆាត​ នៅតែមានឈ្មោះជាជនបោកប្រាស់សម្រាប់ត្រកូលភូវ៉ារិ និងជាដើមហេតុបណ្តាលអោយ ភីម ស្លាប់។ សម្រាប់ ផាយុ ក៏ដូចគ្នាដែរ បានយល់ថា មនុស្សស្រីដែលខ្លួនស្រលាញ់កុហកថា ស្រលាញ់ខ្លួន ដើម្បីយកធ្វើជាឈ្នាន់ទៅសងសឹកក្រុមគ្រួសារ ទើប ផាយុ បានគេចខ្លួនមករស់នៅក្នុងចំការកាហ្វេ។ ដោយសារចិត្តស្រលាញ់ទៅលើ ផាយុ ពិតប្រាកដ ទើប​ ប៉ារីឆាត សុខចិត្តលះបង់គ្រប់យ៉ាងងមិនបកស្រាយថាខ្លួនជាមនុស្សស្អាតស្អំ ហើយតាមមករកមនុស្សដែលខ្លួនស្រលាញ់ដល់ចំការកាហ្វេ។

បន្ទាប់ពីមករស់នៅក្នុងចំការកាហ្វេក្នុងនាមជាកម្មករម្នាក់ មិនត្រឹមទទួលបានការធ្វើបាបពី ផាយុ នោះទេ តែក៏នៅមាន ឆាប្បា ដែលជាកម្មករនៅក្នុងចំការ តាមធ្វើបាបនាងគ្រប់ពេល ដោយធ្វើខ្លួនហាក់ដូចជាប្រច័ណ្ឌ ផាយុ និង ប៉ារីឆាត។ ដោយសារខ្លួនជាអ្នកខុស និងចង់សុំទោសទៅកាន់ ផាយុ ទើបនាងព្យាយាមមិនតបតច្រើនជាមួយអ្នកចាំធ្វើបាបខ្លួន។

តើ​ ប៉ារីឆាត អាចឆ្លងផុតនៅដំណាក់កាលរងការធ្វើបាបពីមនុស្សនៅក្នុងចំការរួមទាំងមនុស្សដែលនាងស្រលាញ់ដែរទេ? សូមរងចាំទស្សនាក្នុងភាពយន្តភាគរឿង «ពិសស្នេហ៍» មានផ្សាយជូនទស្សនានៅថ្ងៃ ចន្ទ ដល់ថ្ងៃ ព្រហស្បតិ៍ វេលាម៉ោង ៦ ល្ងាចតទៅ នៅលើកញ្ចក់ទូរទស្សន៍ ភីអិនអិន៕

ទស្សនាវីឌីអូខាងក្រោម៖

ដោយ៖ សុវណ្ណនី