អ្នកប្រដាល់វ័យក្មេងកំពុងរះ៤រូប គឺ ជើងខ្លាំងគោព្រៃគុនខ្មែរ សូដា លីម៉ូ, កណ្ដាប់ដៃថ្នល់ទទឹកគុនខ្មែរ លន់ សៀកឡេង, កូនប្រុសអធិរាជកែងឆេះជង្គង់ហោះ អេ អាំម៉ារិន និងកីឡាករល្អស្នៀតកុលបុត្រគុនខ្មែរ តុម ផេង នឹងចូលខ្លួនប្រជែងជើងឯកម៉ារ៉ាតុនប្រាក់លាន អធិរាជគុនខ្មែរ ISI PALM-ISI PIPE ទម្ងន់៥៧គីឡូក្រាម នៅថ្ងៃអាទិត្យ ទី៣០ ខែសីហា នៅ PNN។

នេះជាការប្រកួតលើកដំបូងសម្រាប់ប្រភេទទម្ងន់៥៧គីឡូក្រាមដែលក្រុមហ៊ុន ISI STEEL រៀបចំឡើងដើម្បីផ្ដល់ឱកាសដលអ្នកប្រយុទ្ធវ័យជំទង់ទាំងបួន ប្រជែងគ្នាយកប្រាក់រង្វាន់២លាន៦សែនរៀល។

ក្រៅពីការប្រកួតដណ្ដើមប្រាក់លានម៉ារ៉ាតុនប្រចាំសប្ដាហ៍ ក៏មានជំនួបរវាងជើងចាស់ប៉ះជើងខ្លាំង នាគរាជខ្មៅ កាន់ ម៉េងហុង  តតាំងតោចាស់កំណាច ហុន ឈុនហេង និង ដំរីជំទង់ ម៉ឺន មេឃា ប្រឈមជាមួយ ចចកកំពូលល្បិច ពុទ្ធ សំបូរ។

ទស្សនិកជនអាចទស្សនាការប្រកួតដ៏កក្រើកទាំងនេះលើកញ្ចក់ទូរទស្សន៍ ភីអិនអិន និងផ្សាយបន្តផ្ទាល់លើPage Facebook PNN Sports និង Page Facebook ISI STEEL ចាប់ពីម៉ោង១២ថ្ងៃត្រង់តទៅ៕

ដោយ៖ លី ហួរ