ខណៈខែកុម្ភៈ ជាខែដែលគេនិយមហៅខែនៃក្តីស្រលាញ់កាន់តែខិតជិតមកដល់ ស្ថានីយទូរទស្សន៍ ភីអិនអិន ​កាលពីចុងសប្តាហ៍កន្លងទៅនេះ បានពាំនាំអំណោយជាសម្ភារៈសិក្សា សម្ភារៈប្រើប្រាស់ ​មានទាំងម៉ូតូ និងថវិកាមួយចំនួនផងនោះ ទៅផ្តល់ជូនមជ្ឈមណ្ឌលកុមារកំព្រាមួយកន្លែង​ ដើម្បីបង្ហាញក្តីស្រលាញ់ ការយកចិត្តទុកដាក់និងបង្កើនភាពស្និតស្នាលជាមួយកុមារឲ្យកាន់តែច្រើន។ ​សកម្មភាពសប្បាយជាច្រើនត្រូវបានក្រុមការងារ

កម្មវិធី  « គ្រួសាររីករាយ » 

​រៀបចំឡើងសម្រាប់កុមារទាំងអស់ ក្នុងនោះល្បែងកម្សាន្តជាច្រើនមុខ​ដែលអាចបង្ហាញពីភាពឆ្លាតវៃរបស់កុមារបានញ៉ាំងឲ្យកម្មវិធីនេះកាន់តែសប្បាយរីករាយ។ ​ស្ថិតក្នុងរបាំងមុខចម្រុះពណ៌ ចម្រុះរូបភាព កុមារគ្រប់រូបពិតជាទទួល​បានភាពសប្បាយរីករាយជាខ្លាំង​ ក្រោមស្នាដៃពិធីករ ពិធីការនីស្រស់សង្ហារ របស់ ភីអិនអិន។

ជានិច្ចកាលស្ថានីយ៍ទូរទស្សន៍ ភីអិនអិន មិនត្រឹមតែយកចិត្តទុកដាក់ក្នុងការជម្រុញភាពយន្តខ្មែរ​ តាមរយៈការចាយទន់រាប់សែនដុល្លារដល់ផលិតកម្មក្នុងស្រុកប៉ុណ្ណោះទេ​ ប៉ុន្តែ ភីអិនអិន តែងយកចិត្តទុកដាក់ដល់ការងារសង្គមដូចគ្នា តួយ៉ាងគេតែងឃើញវត្តមាន​ ថ្នាក់ដឹកនាំស្ថានីយ៍ទូរទស្សន៍ដ៏ទំនើបមួយនេះ ដឹកនាំបុគ្គលិកចុះទៅតាមទីតាំងផ្សេងៗ​គ្នាដែលមានការខ្វះខាត និងកំពុងត្រូវការជំនួយ។ មិនត្រឹមតែប៉ុណ្ណោះ កម្មវិធី ​«​ គ្រួសាររីករាយ » និងកម្មវិធី « Family Fued »នៃស្ថានីយទូរទស្សន៍ ភីអិនអិន​ ក៏បានបង្កើតឡើងដើម្បីផ្តល់ឱកាសឲ្យកុមារគ្រប់រូបបានបង្ហាញពីទេព្យកោសល្យ និងសមត្ថភាពដែលពួកគេមានផងដែរ៕ 

ដោយ៖ រ៉ាត់ ចាន់​ធីតា