ថ្ងៃសុក្រ ទី១៨ ខែតុលា ឆ្នាំ២០១៩

ជូនតាមសំណូមពរ រ៉េត ហ្សូសាណា ត្រៀមបទចម្រៀងតម្រូវចិត្តហ្វេនមួយបទក្នុងកម្មវិធីតន្ត្រីភេសជ្ជៈ Boostrong នៅភីអិនអិនថ្ងៃសៅរ៍នេះ

០៤ តុលា ២០១៩

ជារៀងរាល់សប្តាហ៍ពីស្ថានីយ៍ទូរទស្សន៍ ភីអិនអិន តែងតែពាំនាំយកនូវអារម្មណ៍​​រំភើបសប្បាយរីករាយ នាថ្ងៃឈប់សម្រាកមកបម្រើជូន​ទៅដល់ទស្សនិកជនជាបន្តបន្ទាប់ នៅក្នុងកម្មវិធីប្រគុំតន្ត្រី Boostrong Music On Fire ដែលមានវត្តមានតារាចម្រៀង ក៏ដូចជាតារាសម្តែងល្បីៗចូល​ខ្លួនមកអង្រួនបេះដូង អ្នកគាំទ្រវិស័យសិល្បៈបាន​សប្បាយរំសាយពីទុក្ខកង្វល់ និងការហត់នឿយពី​ការងារពេញមួយសប្តាហ៍។

ដោយឡែកសម្រាប់សប្តាហ៍ថ្ងៃ សៅរ៍ ទី ០៥ ខែ តុលា ឆ្នាំ ២០១៩ នេះ ការមកដល់នៃតារា​ចម្រៀងបែបយុវវ័យមួយដួង ដែលទស្សនិកជនច្បាស់ជា​ស្គាល់កញ្ញារួចមកហើយ តាមរយៈការសម្តែងទាំងក្នុង​កម្មវិធីប្រគុំតន្ត្រីនានា ក៏ដូចជាការផ្សព្វ​ផ្សាយពាណិជ្ជកម្មផ្សេងៗ នោះគឺ កញ្ញា រ៉េត ហ្សូសាណា។ បទចម្រៀង និងការតុបតែងខ្លួនដ៏គួរឱ្យស្រឡាញ់របស់តារាស្រី មានប្រជាប្រិយភាពក្នុងស្រទាប់យុវវ័យរូបនេះ នឹងមកបង្ហាញជូន អមជាមួយនឹងបទភ្លេងយ៉ាងកន្ត្រាក់អារម្មណ៍​ ពីផ្ទៃឆាកទាំងមូលផងដែរ។ ទស្សនិកជនមួយចំនួន ប្រហែលជាធ្លាប់តែបានស្គាល់កញ្ញាតែ​​នៅលើកញ្ចក់ទូរទស្សន៍ ប៉ុន្តែលើកនេះ ដើម្បីបំពេញសំណូមពរពីសំណាក់ហ្វេនៗនោះ ទើបកញ្ញា ត្រូវបានអញ្ជើញមកសម្តែងផ្ទាល់ក្នុងឆាក ភីអិនអិន ក្នុងកម្មវិធីតន្ត្រី Boostrong តែម្តង ហើយបទចម្រៀងដែលកញ្ញា​នឹងយកមកច្រៀងនោះ កញ្ញាសុំលាក់សិន ប៉ុន្តែក៏ត្រៀមរួចរាល់​ដើម្បីកំដរដល់បងប្អូន​អ្នកទស្សនាថ្ងៃស្អែកនេះដែរ។  លើសពីនេះទៀត ដើម្បីបន្ថែមឱ្យបរិយាកាសការ​​ប្រគុំតន្ត្រីកាន់តែទទួលបានភាពអស្ចារ្យទៀតនោះ វត្តមានរបស់ក្រុមតារាB2G ដែលពួកគេទាំង៥នាក់នឹងចាប់ដៃគ្នា សម្តែងជាShow ក៏ដូចជាបកស្រាយនូវបទចម្រៀងយ៉ាងពីរោះ​​ រួមទាំង កញ្ញា កូឡា រចនា លោក ឃី សុឃុន និងតារាៗល្បីច្រើនដួងទៀត។

ដើម្បីចង់ដឹងថា តើពួកគេទាំងអស់នឹងមានអ្វីប្លែក ក៏ដូចជាការបង្ហើរសំនៀង​បានពីរោះយ៉ាងណានោះ សូមកុំភ្លេចអញ្ជើញចូលរួម​ទស្សនាដោយសេរីនៅស្ទូតឌីយោ ភីអិនអិន និងមានការផ្សាយផ្ទាល់ក្នុងកម្មវិធី Boostrong Music On Fire នៅវេលាម៉ោង ០៤ និង៣០នាទីរសៀលតទៅ។ មួយវិញទៀត ការបន្តនូវឱកាសចូលរួមលេងហ្គេម Boostrong តេឈ្នះលុយ ក៏នៅតែផ្តល់ជូនទៅដល់​ទស្សនិកជនទាំងអស់ផងដែរ ដើម្បីជាកាដូចុងបញ្ចប់នៃកម្មវិធី និងស្វែងរកអ្នកមានសំណាងឈ្នះ​រង្វាន់ជាទឹកប្រាក់ចាប់ពី ២០ម៉ឺនរៀល រហូតដល់មាសមួយតម្លឹង។ សូមចូលរួមកម្សាន្តសប្បាយទាំងអស់គ្នា៕

សូមទស្សនា​ខ្លីប

Copyright © 2017 PNN TV. All Rights Reserved.