ថ្ងៃសៅរ៍ ទី២៤ ខែសីហា ឆ្នាំ២០១៩

«បេះដូងបរិសុទ្ធ» រឿងភាគថ្មី​ចាប់គូរវាងតួប្រុស​ចាយសម្រស់ និងតួស្រី​ចាយទឹកភ្នែក

២៥ ឧសភា ២០១៩

នៅសល់ពេលមិនប៉ុន្មានថ្ងៃទៀតទេ​រឿងភាគថៃថ្មី «បេះដូងបរិសុទ្ធ» នឹងបង្ហាញវត្តមាន ជាផ្លូវការតាមរយៈ​កញ្ចក់ទូរទស្សន៍PNN ជូនអ្នកគាំទ្រ​របស់ខ្លួនបានទស្សនាហើយ។ សាច់រឿងក៏ថ្មី ឯចរិតតួអង្គក៏ប្លែក​ខុសកាលគ្រាមុន រឿងភាគថ្មីនេះ​នឹងក្លាយជាវេទិកា​បង្ហាញនូវជំនួបកម្រមួយរវាងតួឯកស្រី ធ្លាប់ទទួលប្រជាប្រិយភាព​ព្រោះពូកែបង្ហូរទឹកភ្នែក ក្នុងរឿង «ទឹកភ្នែកនាងទាសី» និងកំលោះពូកែចាយសម្រស់ក្នុងរឿង «មន្តស្នេហ៍កំលោះពីឡុត»។ ក្លាយពីតួកម្សត់ទៅជាក្រមិចក្រមើម ពីតួអង្គរួសរាយទៅជាម៉ឺងម៉ាត់ តើរឿងភាគនេះ​នឹងផ្តល់ជូននូវចំណីអារម្មណ៍ថ្មីក្នុងរូបភាពបែបណា?

ទោះរឿងមិនទាន់ចាក់ផ្សាយពិតមែន តែគ្រាន់ក្រឡេកឃើញរូបភាពខ្លះៗនៃការក្រុងពាលីថតរឿងក៏អ្នកគាំទ្រអាចទាយដឹង រឿងភាគថៃមួយនេះពិតជាមិនធ្វើឱ្យអ្នកទស្សនាខកបំណងឡើយ ព្រោះកំប្លែងសប្បាយ ហើយប្រជុំទៅដោយតួអង្គល្បីៗជាច្រើន ឯតួឯកប្រុសស្រីក៏ធ្វើការចុះសម្រុងគ្នាបានល្អថែមទៀត។

រូបភាពសកម្មភាពត្រឹមប៉ុណ្ណឹង! តើអាចទាក់ទាញចិត្តអ្នកឱ្យរង់ចាំទស្សនាបានដែររឺទេ? រឿងភាគថៃ «បេះដូងបរិសុទ្ធ» នឹងមកជួបអ្នកគាំទ្រទាំងអស់នាថ្ងៃ ២៧ ខែឧសភាខាងមុខនេះ វេលាម៉ោង១២ថ្ងៃត្រង់ រហូតម៉ោង១រសៀល កុំភ្លេចរង់ចាំទស្សនាទាំងអស់គ្នា។

អត្ថបទ៖ កញ្ញា ឃុន វ៉ាន់ដា

Copyright © 2017 PNN TV. All Rights Reserved.