ថ្ងៃច័ន្ទ ទី១៧ ខែមិថុនា ឆ្នាំ២០១៩

ភាពជឿជាក់​ប្រស្នាចុងក្រោយ រឿង «មកុដរាជិនី»

២៣ ឧសភា ២០១៩

និស្ស័យបានដឹកដៃព្រះនាង អាលីស (សម្តែងដោយកញ្ញា យ៉ាយ៉ា) ឲ្យបានជួបគ្នានឹងមេបញ្ជាការ ដាកវីន (សម្តែងដោយលោក ណាដេត) ឯការរួមចិត្តគំនិត ប្រាជ្ញាស្មារតីជាមួយគ្នា​ដើម្បីដោះស្រាយបញ្ហា និងឧបសគ្គរាប់ពុំអស់ បានសាងនូវអនុស្សាវរីយ៍​ជាច្រើនរវាងពួកគេ។ រឿងរ៉ាវដែលពួកគេ​បានឆ្លងកាត់រួមគ្នា​ទាំងរីករាយ និងទុក្ខសោក ក៏ក្លាយជាចំណងរឹងមាំ​ចងបេះដូងព្រះនាងរូបស្រស់ និងលោកមេបញ្ជាការ រូបសង្ហារឱ្យរស់ក្បែរគ្នាជានិច្ច ទោះមានឋានៈឆ្ងាយគ្នាយ៉ាងណាក្តី។

ចំពោះក្តីស្រលាញ់រវាងមនុស្សពីរនាក់ ដែលមានឋានៈខុសឆ្ងាយគ្នាខ្លាំង ការដែលពួកគេទទួលបានឱកាសរស់ក្បែរគ្នា បានឃើញមុខគ្នារាល់ថ្ងៃ​ពុំមែនជារឿងងាយឡើយ វេលាទាំងនេះ​ទទួលបានដោយកម្រ ដូច្នេះដល់ពេលបាត់បង់​ច្បាស់ជាសោកស្តាយខ្លាំង​មិនខាន។ រហូតមកដល់ថ្ងៃនេះ បញ្ហាស្មុគស្មាញ​ជាច្រើននៅក្នុង រឿង «មកុដរាជិនី» ត្រូវបានដោះស្រាយ​បញ្ចប់ស្ទើររួចរាល់ទាំងស្រុង​ទៅហើយ ដូច្នេះក៏មានន័យថា វេលាបែកគ្នារវាងតួអង្គឯកប្រុសស្រី​ជិតឈានមកដល់ដែរ។ តើទស្សនិកជនទាំងអស់​ដែលធ្លាប់គាំទ្រ​តាមដានទស្សនា​រឿងភាគថៃមួយនេះកន្លងមកអាចទាយដឹងទេ ចុងក្រោយនៃរឿងនេះ​នឹងក្លាយទៅជាយ៉ាងណា? តើគូណាខ្លះបានជួបគ្នា? គូណាខ្លះបែកគ្នា? ព្រោះមូលហេតុអ្វីខ្លះ?

ចង់ជ្រាបច្បាស់ សូមកុំភ្លេចរង់ចាំទស្សនារឿង «មកុដរាជិនី» នារាត្រីថ្ងៃព្រហស្បតិ៍ ទី២៣ ខែឧសភានេះ វេលាម៉ោង៩ រហូតម៉ោង១០យប់នេះ៕

Copyright © 2017 PNN TV. All Rights Reserved.