ថ្ងៃច័ន្ទ ទី២២ ខែកក្កដា ឆ្នាំ២០១៩

ISI Palm ចាប់ដៃ PNN បង្កើតកម្មវិធី​ប្រដាល់ «អធិរាជគុនខ្មែរ ISI PALM»

០២ ឧសភា ២០១៩

«អធិរាជគុនខ្មែរ ISI PALM» នាំត្រឡប់មកវិញ​នូវកម្រងកម្មវិធី​ប្រកួតប្រដាល់ អង្រួនរញ្ជួញសង្វៀន​ភីអិនអិន ក្រោមការឧបត្ថម្ភ​ផ្ដាច់មុខពី ISI PALM ផលិតផលប្រកបដោយ​គុណភាព​របស់ក្រុមហ៊ុន ISI Steel។

អធិរាជគុនខ្មែរ ISI PALM កម្មវិធីប្រកួតប្រដាល់ធំ ល្បី កក្រើក ជាមួយកម្រងរូបភាព សន្ធឹកវាយប្រហារ ប្លែក ពិតជាប្លែក ជក់ចិត្ត មិនធ្លាប់មាននៅកម្ពុជា​ដោយរៀងរាល់ការប្រកួត​ដណ្ដើមខ្សែក្រវាត់​ប្រាក់ប្រចាំខែ​សម្រាប់ឈានទៅដណ្ដើម​ខ្សែក្រវាត់មាស​ក្នុង ទម្ងន់៦០គីឡូក្រាម អមដោយ​ប្រាក់រង្វាន់៤០លានរៀល (១០,០០០ដុល្លារអាមេរិក)

រាល់ការដណ្ដើមយកខ្សែក្រវាត់​ក្នុងកម្មវិធី «អធិរាជគុនខ្មែរ ISI PALM» មានរូបមន្តថ្មី! ពិសេស! អស្ចារ្ស!  ដោយកំពូលកីឡាករ​ប្រដាល់ កម្ពុជា៨រូប នឹងតតាំងជាមួយ​ជើងខ្លាំង ថៃ៨នាក់ ចាញ់ធ្លាក់ៗ ដោយគ្មានសន្សំពិន្ទុអ្វីឡើយ។ រៀងរាល់ខែ កីឡាករកម្ពុជា២រូប​នឹងតតាំងជាមួយកីឡាករថៃ២រូប ហើយអ្នកឈ្នះនឹងឡើងប្រកួត​ដណ្ដើមខ្សែក្រវាត់​ប្រាក់ប្រចាំខែ​ទល់នឹងអ្នកឈ្នះដូចគ្នា។ បន្ទាប់ពីរកឃើញម្ចាស់ខ្សែក្រវាត់​ប្រាក់ទាំង៤ ពួកគេនឹងតតាំងគ្នា​ក្នុងវគ្គពាក់កណ្ដាល​ផ្ដាច់ព្រ័ត្រដើម្បីឆ្ពោះទៅ​ដណ្ដើមខ្សែក្រវាត់មាស។

ភីអិនអិន និង ISI PALM បានសម្រិតសម្រាំង​កំពូលអ្នកស្នងគុនខ្មែរ​៨ដួងមកបំពេញបេសកកម្ម​ដ៏មហិមានេះ រួមមានម្ចាស់មេដាយមាសស៊ីហ្គេម ឃីម ឌីម៉ា, ម្ចាស់មេដាយសំរឹទ្ធស៊ីហ្គេម ឡៅ ចិត្រា, តារាវ័យក្មេងកំពុងរះ​ត្រដែតឡើង សុខ សាវិន, លន បញ្ញា, កូយ ឡាយ, ធន់ មករា, ឡុង ជិន និងតារាជើងចាស់ សារឿន ចាន់។

ឃីម ឌីម៉ា

ឡៅ ចិត្រា

សុខ សាវិន

អធិរាជគុនខ្មែរ ISI PALM  ផ្សាយផ្ទាល់​លើកញ្ចក់ទូរទស្សន៍ភីអិនអិន រៀងរាល់ថ្ងៃអាទិត្យ ម៉ោង១២ថ្ងៃត្រង់ ចាប់ផ្ដើមពីថ្ងៃទី១២ខែឧសភាឆ្នាំ២០១៩តទៅ៕

Copyright © 2017 PNN TV. All Rights Reserved.