ថ្ងៃច័ន្ទ ទី១៧ ខែមិថុនា ឆ្នាំ២០១៩

អ្នកនិពន្ធ​សង្ឃឹមធ្វើការ​ជាថ្មី​ជាមួយ​លោក ឈរ ហ្សង់

០៥ មេសា ២០១៩

អ្នកស្រីម៉ីសន សុធារី ម្ចាស់ប្រលោមលោក ថ្ងៃមុនស្អប់ថ្ងៃនេះស្រលាញ់ បានអោយដឹងថា លទ្ធផលនៃការដឹកនាំថត របស់បុរសខ្មែរកាត់បារាំង ឈរ ហ្សង់ គឺជាលទ្ធផលដ៏សំខាន់ និងវិជ្ជមានមួយ​សម្រាប់ផ្នែក​ទូរទស្សន៍​និងភាពយន្តនៅកម្ពុជា។

ពេលនេះ ភាពយន្តភាគ ថ្ងៃមុនស្អប់ថ្ងៃនេះស្រលាញ់​ទើបនឹងចាក់បាន៨ភាគ ប៉ុន្តែអ្នកនិពន្ធអះអាងថា​បណ្តាប្លង់រាប់ម៉ឺន ក្នុងខ្សែរឿងមួយនេះ មិនមានឆាកណាមួយទាស់ចិត្តអ្នកនិពន្ធសូម្បីម្តង។

អ្នកស្រីបន្តថា៖
ពីមុនខ្ញុំបារម្ភជាងគេ​គឺការប្រើប្លង់ដែលមិនត្រូវអត្ថន័យ។ បើយើងយល់អំពីវិស័យភាពយន្ត​និងសោតទស្សន៍​យើងត្រូវតែយល់រឿងសំខាន់មួយថា កាម៉េរ៉ាថ្លៃមិនសើ្មនិងគំនិតព្រមទំាងជំនាញបច្ចេកទេសនោះឡើយ។

យកម៉ាស៊ីនថ្លៃមក ហើយមិនចេះប្រើវិធីថ្មីច្នៃប្រឌិតពឹងតែលើម៉ាស៊ី គឺចប់។
អ្វីដែលម៉ាស៊ីនធ្វើបាន អ្នកផ្សេងក៏ធ្វើបាន ព្រោះគេក៏មានលុយទិញ។ អ្វីដែលគូប្រជែងធ្វើមិនបាន គឺធនធានមនុស្ស។ ខ្ញុំសង្ឃឹមថា​នឹងមានឱកាសសហការផលិតកុនធំមួយជាមួយហ្សង់។ បច្ចេកទេសពន្លឺ និងប្លង់រំកិលរបស់គាត់គឺសាហាវ ពិបាកនឹងជ្រើសរើសអ្នកផ្សេងមកជំនួសបាននេះបើតាមគំនិតខ្ញុំ។

សូមទំាងអស់គ្នា​រីករាយទស្សនាស្នាដៃ​ដ៏ល្អនេះ​តាមកញ្ចក់ទូរទស្សន៍ភីអិនអិន​ រៀងរាល់យប់ថ្ងៃចន្ទដល់ថ្ងៃពុធចាប់ពីម៉ោង១៩និង៥០នាទី

អ្នកស្រីម៉ីសន សុធារី 

Copyright © 2017 PNN TV. All Rights Reserved.