ថ្ងៃសៅរ៍ ទី១៧ ខែ​វិច្ឆិកា ឆ្នាំ២០១៨

រន្ធត់ចិត្ត! ពេលនេះ​នាងខៀវ​បានស្លាប់ហើយ

១៩ តុលា ២០១៨

ទស្សនិកជន​ដែលបាននិងកំពុងតែ​តាមដានទស្សនា រឿង «កន្ទោងខៀវ» មានក្តីអាណិតអាសូរ​ដល់ នាងខៀវ ​ដែលបានស្លាប់ទៅហើយ​ក្នុងអំឡុងពេល​សម្រាលកូន ដោយសារតែ នាងនិត បានប្រាប់ថា នាយចាន់ និងមិនមករកនាងខៀវឡើយ ធ្វើអោយនាងខៀវ​ឈឺចិត្តហើយក៏បានស្លាប់ទៅ។ 

ការស្លាប់របស់នាងខៀវ​បានធ្វើអោយអ្នកគ្រប់គ្នា​មានការសោកស្តាយនាងជាខ្លាំង ព្រោះតែនាងគឺជាមនុស្សល្អ និងជាមនុស្សស្រីដែលគួរអោយអាណិត ជាពិសេសគឺប្តីរបស់នាង​បានចាក់ចេញពីនាង​ក្នុងអំឡុងពេលដែលនាង​កំពុងតែមានផ្ទៃពោះ នឹងត្រូវបាន នាងម៉េត ដាក់ស្នេហ៍យកទៅធ្វើប្តីទៀត។ រឹតតែអាណិតអាសូរ​ដល់ឪពុករបស់នាងខៀវ ដែលមានក្តីបារម្ភ​ចំពោះកូនស្រីខ្លួន​ដែលកំពុងតែមានផ្ទៃពោះ ប្តីក៏មិននៅជិត​ធ្វើអោយគាត់​បាយមិននឹកទឹកមិនស្រេក។ ដោយឡែកនាងនិតត្រូវបានអ្នកដែលនៅក្នុងភូមិមានការខឹងសម្បារយ៉ាងខ្លាំងរហូតដល់ថ្នាក់បើបានឃើញមុខនាងពេលណានឹងសងសឹកជំនួសនាងខៀវ។

ប្រសិនបើទស្សនិកជនជាមិត្តភ័ក្តិជិតស្និទ្ធជាមួយនាងខៀវតើទស្សនិកជននឹងត្រូវធ្វើយ៉ាងម៉េចចំពោះនាងនិត? តើឈុតបន្តបន្ទាប់នាងខៀវនឹងត្រឡប់មកសងសឹកនាងនិតដែរទេ? 
កុំភ្លេចរង់ចាំតាមដានទស្សនារឿង «កន្ទោងខៀវ» នៅលើកញ្ចក់ទូរទស្សន៍ភីអិនអិន រៀងរាល់ថ្ងៃចន្ទ-ពុធ វេលាម៉ោង ៨:០០-៩:០០យប់៕  

ទស្សនាឈុតខ្លី៖ 

Copyright © 2017 PNN TV. All Rights Reserved.